नासा-संस्थया आर्टेमिस-द्वितीय-अभियानेन चन्द्रस्य दुर्लभा प्रतिकृतिः प्रदर्शिता

नासा-संस्थया आर्टेमिस-द्वितीय-अभियानेन चन्द्रस्य दुर्लभा प्रतिकृतिः प्रदर्शिता; नूतन-अन्तरिक्ष-कीर्तिमानस्य निर्माणाय सज्जता
अमेरिकायाः अन्तरिक्ष-संस्था ‘नासा’ आर्टेमिस-द्वितीय-अभियानस्य दलद्वारा चन्द्र-परिक्रमा-समये गृहीतं चन्द्रस्य एकं चित्रं प्रसारितवती। अस्याम् आकृत्यां चन्द्रस्य दक्षिण-भागे स्थितः सम्पूर्णः ‘ओरिएंटल-बेसिन’ दृश्यते, यः पूर्वं कदापि न दृष्टः। ओरियन-अन्तरिक्षयाने अमेरिकायाः त्रयः, कनाडादेशस्य च एकः नागरिकः वर्तन्ते। श्वः ओरियन-यानं स्वलक्ष्यं प्राप्स्यति इति आशा अस्ति। आर्टेमिस-द्वितीय-अभियानस्य उद्देश्यं चन्द्रस्य दूरस्थ-भागस्य चित्राङ्कनं वर्तते। पृथिव्याः लक्षचतुष्टयात् (४,००,००० किमी) अधिकं दूरं गत्वा इदं यानं मानव-अन्तरिक्ष-यात्रायाः कीर्तिमानं भङ्क्षयति। तदनन्तरं चन्द्रस्य परिक्रमा कृत्वा अवतरणं विना एव पुनः आगमिष्यति। प्रायः दश-दिवसीयम् इदं मिशनं मासस्य अस्य १० दिनाङ्के पूर्णं भविष्यति। नासा-संस्थायाः लक्ष्यं २०२८ वर्षं यावत् चन्द्रस्य दक्षिण-ध्रुवे अन्तरिक्ष-यात्रिणां प्रेषणम् अस्ति।