संसदस्य बजट-सत्रस्य प्रथमचरणस्य समापनम्

संसदस्य बजट-सत्रस्य प्रथमचरणस्य समापनम्
बजट-सत्रस्य प्रथमः चरणः सम्पन्नः, मार्च-मासस्य नवमे दिनाङ्के पुनः भविष्यति उभयोः सदनयोः उपवेशनम्।
संसदः उभयोः सदनयोः कार्यप्रक्रिया स्थगिता अस्ति। अधुना बजट-सत्रस्य द्वितीयभागाय ९ मार्च दिनाङ्के पुनः मेलनं भविष्यति। बजट-सत्रस्य प्रथमः चरणः गतमासस्य २८ दिनाङ्के राष्ट्रपति द्रौपदी मुर्मू महोदयायाः उभयोः सदनयोः संयुक्त-अभिभाषणेन सह आरब्धः आसीत्। द्वि-चरणेषु आयोजितस्य अस्य बजट-सत्रस्य द्वितीयः भागः अस्मिन् वर्षे ९ मार्चतः २ एप्रिल पर्यन्तं चलिष्यति।
लोकसभायाः वृत्तान्तः:-लोकसभायां प्रथम-स्थगनात् परं यदा कार्यप्रक्रिया पुनः आरब्धा, तदा अनेकैः मन्त्रिभिः स्व-मन्त्रालयैः सम्बद्धाः अधिसूचना उपस्थापिताः। ततः परं पीठासीन-अधिकारिणी सन्ध्या राय सदनं स्थगितवती। तत्पूर्वं, सदनस्य आरम्भे पीठासीन-अधिकारिण्या भूतपूर्व-सांसदस्य भगवान दास राठौर महोदयस्य निधने शोकः प्रकटितः। दिवङ्गतस्य नेता महोदयस्य निधनं २१ जनवर्याम् अभवत्। सदनस्य सदस्यैः तस्य सम्मानार्थं मौनं च धृतम्।
प्रश्नकालस्य समये स्वास्थ्यमन्त्री जेपी नड्डा महोदयः ‘कोडीन’ युक्त-कफ-सिरप (कफ-औषधम्) सेवनेन जात-मृत्यु-सम्बद्धस्य प्रश्नस्य उत्तरं दातुं प्रयतितवान्, परन्तु विपक्षस्य कोलाहलेन सः स्वकीयं उत्तरं पूर्णं कर्तुं न शक्तवान्। कांग्रेस-तृणमूल कांग्रेस-डीएमके इत्यादिदलानां सदस्याः सदनस्य मध्यभागं (Well) गत्वा घोषणां (Sloganeering) कृतवन्तः। मन्त्रिणा सदनस्य सुचारु-सञ्चालनाय प्रार्थना कृता, तथापि विपक्षस्य विरोधः निरन्तरं प्राचलत्। अस्य कोलाहलस्य कारणेन लोकसभायाः कार्यवाही मध्याह्ने १२ वादनपर्यन्तं स्थगिता।
राज्यसभायाः वृत्तान्तः: अपरपक्षे, राज्यसभायां शून्यकालः तथा प्रश्नकालः च सुचारुरूपेण सम्पन्नौ। प्रातः सदनस्य आरम्भे अनेकैः सदस्यैः स्व-दस्तावेजाः पटले स्थापिताः। राज्यसभायाः सभापतिः सी.पी. राधाकृष्णन् महोदयः राष्ट्रपति-महोदयायाः सन्देशं पठितवान्, यस्मिन् उक्तं यत् २८ जनवर्याम् उभयोः सदनयोः कृते दत्त-भाषणार्थं सदस्यानां ‘धन्यवाद-प्रस्तावः’ तया प्राप्तः अस्ति।