यूनिसेफ (UNICEF) इत्यनेन अधिसूचितं यत् एआई (AI) द्वारा निर्मितं बालकानां अश्लीलचित्रणं ‘बाल-यौन-शोषणम्’ अस्ति

यूनिसेफ (UNICEF) इत्यनेन अधिसूचितं यत् एआई (AI) द्वारा निर्मितं बालकानां अश्लीलचित्रणं ‘बाल-यौन-शोषणम्’ अस्ति
संयुक्तराष्ट्रसङ्घस्य संस्था यूनिसेफ (UNICEF) अवदत् यत् कृत्रिममेधया (Artificial Intelligence – AI) निर्मितं बालकानां अश्लीलचित्रणं बाल-यौन-शोषणस्य एकः प्रकारः अस्ति, अतः एतत् अपराधत्वेन मन्तव्यम्। यूनिसेफ-संस्थया एआई-उपकरणैः आपत्तिजनकसामग्र्याः निर्माणस्य वर्धमानप्रवृत्तौ सचेतना दत्ता।
संस्थया उक्तं यत् एआई-माध्यमेन सज्जिता एतादृशी सामग्री विश्वे चिन्तायाः विषयः अस्ति। एतादृशाः अपि विषयाः आगताः यत्र बालकानां वास्तविकचित्रेषु ‘डीपफेक’ (Deepfake) तन्त्रज्ञानस्य प्रयोगं कृत्वा तेषां विकृत-अश्लील-रुपं प्रदर्श्यते। यूनिसेफ इत्यस्य कथनं अस्ति यत् अस्य तन्त्रज्ञानस्य साहाय्येन बालकानां नग्नचित्राणि प्रदर्श्यन्ते। संयुक्तराष्ट्रसंस्थया विश्वस्य सर्वकारेभ्यः अनुरोधः कृतः यत् ते स्वाधिनियमेषु ‘बाल-यौन-शोषणस्य’ परिभाषायाः विस्तारं कुर्वन्तु। अस्मिन् एआई-निर्मितसामग्र्याः निर्माणं, क्रयणं, वितरणं च अपराधिकप्रक्रिया इति घोषणीया। यूनिसेफ-संस्थया एआई-विकासक-संस्थाः अपि उक्ताः यत् ताः एतादृशसामग्र्याः प्रसारं रोद्धुं कठोरसुरक्षामापदण्डान् स्वीकुर्वन्तु।