कोटलाबेहड़ क्षेत्रस्य उद्धाराय उपमण्डलाधिकारी कार्यालयः आवश्यकः, मुख्यमन्त्री कुर्यात् पुनः अधिसूचना- समाजसेवकः रमेशचन्द शर्मा
हिमसंस्कृतवार्ताः जसवां (कांगड़ा) : जसवां परागपुरविधानसभाक्षेत्रे उपमण्डलाधिकारी कार्यालयः नागरिकः इत्यस्य अभियाचना पुनः एकबारं चर्चायामस्ति। अस्याः चर्चायाः कारणं जनवरी २५ दिनांके मुख्यमन्त्रिणः सुखविन्दरसिंहस्य प्रागपुरे आगमनमस्ति। यत्र प्रागपुरक्षेत्रे जनानां मुखेषु उपमण्डाधिकारी कार्यालयस्य अभियाचना चर्चायाः विषयः अस्ति, तत्रैव जसवां क्षेत्रे कोटलाबेहड़ स्थाने अपि पूर्वस्मिन् भाजपादलस्य सर्वकारे उद्घाटितस्य उपमण्डाधिकारी कार्यालयस्य अधिसूचनायाः निरस्तीकरणानन्तरं पुनः कार्यालयम् उद्धाटनाय जनानां स्वराः तीव्राः सन्ति। अस्मिन्नेव क्रमे जसवां क्षेत्रस्य स्वयंसेविना रमेश चन्द शर्मणा स्वीये वक्तव्ये उक्तं यत् यदि कांग्रेससर्वकारः जसवां क्षेत्रस्य उत्थानम् इच्छति तर्हि पुनः जसवां क्षेत्रे उपमण्डलाधिकारी कार्यालयस्य उद्धाटनस्य घोषणा कुर्यात् मुख्यमन्त्री, तेनोक्तं यत् गतसर्वकारे उद्योगमन्त्रिणा बिक्रमठाकुरेण जसवां प्रागपुरविधानसभायां रक्कड़ क्षेत्रे जसवां क्षेत्रे च द्वौ उपमण्डाधिकारी कार्यालयौ उद्धाटितौ आस्ताम्, परञ्च वर्तमानसर्वकारेण उभौ कार्यालयौ पिहितौ। तेन सह डाडासीबा क्षेत्रे खण्डविकासाधिकारिणः कार्यालयस्य अधिसूचना अपि निरस्तीकृता। श्रीरमेशशर्मणा उक्तं यत् जसवां विधानसभायाम् एकमपि सर्वसौविध्ययुक्तः आधुनिकः चिकित्सालयः न अस्ति, अतः कांग्रेससर्वकारेण अस्मिन् विषयेऽपि ध्यानं दातव्यं स्यात्। ध्यातव्यं स्यात् यत् श्रीरमेशशर्मणः स्वीये क्षेत्रे महद् योगदानम् अस्ति, तेन लोकनिर्माणविभागस्य मण्डलकार्यालयस्य कृते भूमेः दानमपि कृतम्।
