*वाचामारी स्थिते तरुणसंघस्य उद्याने गीताजयन्तीमहोत्सवः पालितः* । 
वर्षेऽस्मिन् वाचामारी स्थिते तरुणसंघस्य उद्याने गीताजयन्तीमहोत्सवः आयोजितः।
अस्मिन् जयन्तीमहोत्सवे गीतापाठः अभवत् । अत्र
जनाः प्रस्तुतिम् अवलोक्य सर्वे भृशम् आनन्दं प्राप्तवन्तः।
अत्र भागग्रहणं कृत्वा सर्वे एकत्रेन गीतापाठं कृतवन्तः। प्राचार्यः श्रीमान् पङ्कजसरकार छात्रान् गीता-अध्ययनाय जीवने आचरणाय च प्रेरितवान्।
अवसरेऽस्मिन् अस्य कार्यक्रमस्य प्रधानाह्वायकः डॉ.विजयघोषः गीतायाः परिचयम्, महत्त्वं आध्यात्मिकदृष्ट्या , राजनैतिकदृष्ट्या , सामाजिकदृष्ट्या, मनोवैज्ञानिकदृष्ट्या,साहित्यदृष्ट्या च व्याख्यानं कृतवान् । तत्परं श्रीमान् सजलदत्तः, श्रीमान् रतनपालः, श्रीमान् विभांशुपाण्डेयः, श्रीमान् षष्ठी सिं, श्रीमान् रामेश्वरपालः, श्रीमान् अम्लानः गाङ्गुली, श्रीमान् वासुदेववसाकः च गीतापाठं कृतवन्तः। इतोऽपि तत्रस्थ आवालवृद्धवनितानाम्, युवजनाः, बालाः च उपस्थिताः आसन्।
अस्य कार्यक्रमस्य परिचालकः आसीत् गीताजयन्तीउतयापनपरिषदः । कार्यक्रमेऽस्मिन् मुख्यातिथिरूपेण आसीत् केन्द्रीयसहयुवसचिवः राष्ट्रपतिपुरष्कारप्राप्तः श्रीमान् पल्लवविश्वासः । अन्ते
शान्तिमन्त्रेण कार्यक्रमः सम्पन्नः कृतः।
