पुस्तकपठनेन कारागारात् मुक्तिः!
संस्कृतवार्ता – देवेशः
ब्राजीलदेशस्य कारागारेषु कारागारकालन्यूनी कर्तुं नूतन: प्रयोगः क्रियमाण: वर्तते। यः बन्दीजन: पुस्तकं पठित्वा तस्य संक्षेपीकरणं लिखित्वा समर्पयति तस्य मुक्तिः शीघ्रतया क्रियते। पुस्तकपठनं वृद्ध्यर्थं तथा दोषीजनानां मानसिकतायां परिवर्तनम् आनेतुम् एष: प्रयोगः कृतः इति सुस्पष्टं भवति।
लैटिन्-अमेरिकादेशेषु ब्राजीलदेश: सर्वाधिक-अपराधयुक्तराष्ट्रेषु एकं वर्तते। तत्रत्याः कारागाराणि-अधिकभयङ्कराणि-इति कथ्यते।
पुस्तकपठनस्य एषः प्रयोगः ब्राजीलसर्वकारेण २०१२ तमे नियमं कृत्वा-आरब्ध: आसीत्। एकबन्दी अधिकाधिकद्वादशपुस्तकानि पठितुं शक्नोति। एकं पुस्तकं पठित्वा चतुर्णां दिनानां कारागारं न्यूनं कर्तुं शक्नोति।
किं भारते एतादृशस्य प्रयोगस्य आवश्यकता अस्ति न वा??
