बिलासपुरे द्विदिवसीय- अन्ताराष्ट्रीय- सम्मेलनस्य समापनम्
हिमसंस्कृतवार्ता: – बिलासपुरम्।
राजकीय- महाविद्यालये बिलासपुरे द्विदिवसीय- अन्ताराष्ट्रीय- सम्मेलनस्य समापनमभवत्। ज्ञातव्यं यत् सम्मेलनमिदं हिम- साइंस- कांग्रेस- संगठनेन बिलासपुरमहाविद्यालयेन सह आयोजितमासीत् यत्र देश- विदेशयो: प्राध्यापक- वैज्ञानिकै: स्वव्याख्यानानि, शोधपत्राणि च प्रस्तुतानि। अस्मिन् सम्मेलने अंतरराष्ट्रीय- राष्ट्रीय- स्तरयो: 190 शोधपत्राणि प्रस्तुतानि। सम्मेलनस्य उद्घाटनसत्रे राष्ट्रिय- प्रौद्योगिकी- संस्थानस्य (NIIT) हमीरपुरस्य निदेशक: हीरालाल मुरलीधर सूर्यवंशी मुख्यातिथिरूपेण, कार्यक्रमस्य समापने प्रो. एच. सी. शर्मा, यशवंत परमार विश्वविद्यालयस्य पूर्व उप कुलपति: मुख्यातिथि आसीत्। कार्यक्रमस्य प्रारंभिकसत्रे मुख्यवक्तारूपेण सिंगापुर- राष्ट्रीय- विश्वविद्यालयस्य (नेशनल यूनिवर्सिटी ऑफ सिंगापुर) प्रो. बिंलिक्स स्वकीयं शोधपत्रं प्रस्तुतम्। यस्य मुख्यविषय: ‘फोटोडायनेमिक थेरेपी’ इति आसीत्।
