अनन्या-कार्तिकयो: चलच्चित्रस्य विमोचनतिथिः घोषिता, अस्मिन् वर्षे अन्तिमे दिने प्रदर्शितं भविष्यति
वार्ताहर: – जगदीश डाभी
(हिमसंस्कृतवार्ता:, मुम्बई) बॉलीवुडनायक: कार्तिक आर्यनः श्रीलीलया सह कतिपयेभ्यः मासेभ्यः पूर्वं चलच्चित्रस्य चित्रोतलनं कृतवान् । अस्य चलच्चित्रस्य चित्रोतलनं सम्पन्नं कृत्वा कार्तिकः ‘तू मेरी मैं तेरा, मैं तेरा तू मेरी’ इत्यस्य चित्रोतलनम् आरब्धवान् । अस्मिन् चलच्चित्रे कार्तिकेन सह मुख्यभूमिकायां अनन्या पाण्डेयः दर्शनं दास्यति। प्राप्तवार्तानुसारं कार्तिकः अनन्या च बहुकालात् यूरोपदेशे अस्य चलच्चित्रस्य चित्रोतलने स्त: । अनन्या पाण्डेय: इत्यनेन सह कार्तिकस्य एतत् द्वितीयं चलच्चित्रम् अस्ति । पूर्वं २०१९ तमे वर्षे ‘पतिपत्नी और वो’ इति चलच्चित्रे तौ एकत्र दृष्टौ आस्ताम्, बहुकालानन्तरं पुनः एतत् युगलं बृहत्पटले दृश्यते।
इदानीं ‘तू मेरी मैं तेरा, मैं तेरा तू मेरी’ इत्यस्य विषये महती वार्ता आगता। अस्य चलच्चित्रस्य प्रदर्शनस्य तिथिः घोषिता जाता । अस्य वर्षस्य अन्ते एतत् चलच्चित्रं प्रदर्शितं भविष्यति। इदं चलच्चित्रं २०२५ तमस्य वर्षस्य दिसम्बरमासस्य ३१-दिनाङ्के प्रदर्शितं भविष्यति।कार्तिकः सामाजिकमाध्यमेषु छायाचित्राणि प्रसारितं कृत्वा एतां सूचनां प्रसारितं कृतवान् ।
