HP News – हिमाचलं “पूर्णसाक्षरराज्यम्” घोषितम्, मुख्यमंत्रिणा सुक्खुना कृता घोषणा
हिमसंस्कृतवार्ता:- शिमला।
शिक्षाक्षेत्रे अपूर्वां सफलतां प्राप्य हिमाचलप्रदेशः अद्य पूर्णसाक्षरराज्यसूचौ स्वनामप्राप्तेः पराक्रमं प्राप्तवान्। अन्ताराष्ट्रीयसाक्षरता दिवसस्य अवसरे शिमलानगरे आयोजितस्य ‘पूर्णसाक्षर- हिमाचलसमारोह: उल्लासमेला- २०२५’ चेत्यस्य अवसरे मुख्यमन्त्री सुखविन्दरसिंहसुक्खुः सोमवासरे हिमाचलप्रदेशं ‘पूर्णसाक्षरराज्यम्’ इति घोषितवान्। अस्य कार्यक्रमस्य आयोजनं विद्यालयीयशिक्षानिदेशालयेन कृतम्।
अस्मिन् अवसरे मुख्यमन्त्री राज्यस्य जनान् ‘पूर्णसाक्षरराज्यम्’ इति अभिनन्दनं कृत्वा निर्धारितसमयसीमायाः पूर्वमेव एतत् पराक्रमं प्राप्तुं राज्यं सफलं जातम् इति अवदत्। अशिक्षितात् पूर्णसाक्षरपर्यन्तं यात्रा आह्वानैः परिपूर्णा अभवत् इति सः अवदत्। हिमाचलप्रदेशः गुणात्मकशिक्षाप्रदानस्य लक्ष्यं कृत्वा निरन्तरं अग्रे गच्छति। सः अवदत् यत् कालेन सह शिक्षायाः महत्त्वं निर्वाहयितुम् आधुनिकयुगानुसारं शिक्षाव्यवस्थायां परिवर्तनम् आनेतुम् आवश्यकम्। यदि हिमाचलं पूर्णतया साक्षरं राज्यं तथा च प्रत्येकस्मिन् स्तरे शिक्षाक्षेत्रे अग्रणीरूपेण तिष्ठेत् तर्हि अस्मिन् क्षेत्रे निरन्तरं परिष्कार: करणीयः भविष्यति। राज्यसर्वकारेण शिक्षाक्षेत्रे कृतानां परिष्काराणां फलस्वरूपं हिमाचले साक्षरता ९९.३० प्रतिशतं यावत् अभवत्, यत् ९५ प्रतिशतस्य राष्ट्रियस्तरात् बहु अधिकम् अस्ति।
मुख्यमन्त्री उक्तवान् यत् अस्माकं सर्वकारेण शिक्षाक्षेत्रे विविधक्षमतासु दोषाः ज्ञात्वा तानि दूरीकर्तुं सार्थकानि पदानि स्वीकृतानि। सम्प्रति छात्र-शिक्षक-अनुपातस्य दृष्ट्या एतत् राज्यं देशे प्रथमस्थाने अस्ति। आगामिषु वर्षेषु शिक्षाक्षेत्रे बहूनि सकारात्मकपरिवर्तनानि आनयिष्यन्ते इति सः अवदत्। सर्वकारीयशिक्षणसंस्थाः उत्तमसंस्थासु परिणमयिष्यन्ति। अस्माकं सर्वकारः गुणवत्तापूर्णशिक्षायां केन्द्रितः अस्ति। परिवर्तनस्य मार्गे अग्रे गच्छन्त: वयं राज्ये विश्वस्तरीयाः शैक्षणिकसंस्थाः विकसितुं प्रयत्नशीलाः स्मः।
मुख्यमन्त्री पूर्णसाक्षरराज्यस्य दृष्टिं प्रति योगदानं दत्तवन्तः अधिकारिणः, स्वयंसेवकाः, नवसाक्षराः च सम्मानिताः। उल्लासकार्यक्रमस्य अन्तर्गतम् आयोजितां प्रदर्शनीम् अपि सः अवलोकितवान्। शिक्षामन्त्री रोहितठाकुरः अवदत् यत् अद्य हिमाचलस्य इतिहासस्य स्वर्णिमाध्यायः इति स्मर्यते। देशस्य स्वातन्त्र्यप्राप्तेः अनन्तरं हिमाचलं शिक्षाक्षेत्रे प्रायः अन्तिमस्थाने आसीत्। राज्यस्य सर्वे सर्वकाराः स्वकार्यकाले ज्ञानज्वालाम् जीवितं कृतवन्त। राज्ये शिक्षायात्रा प्रायः ७ प्रतिशतं साक्षरतादरेण आरब्धा।
वयं गर्विताः स्मः यत् अद्य हिमाचलं सम्पूर्णे भारते पूर्णसाक्षरराज्यवर्गे स्वस्थानं स्थापयितुं सफलः अभवत्। राज्यसर्वकारेण शिक्षाक्षेत्रं सुदृढं कर्तुं दृढेच्छया अनेके कठिननिर्णयाः कृताः। राज्ये छात्राणां त्यक्तुं दरः अधुना प्रायः शून्यं प्राप्तवान् अस्ति। सः वर्तमानसर्वकारेण शिक्षाक्षेत्रे कृतानां नूतनानां उपक्रमानाम् विषये विस्तृतां सूचनां दत्तवान्। पूर्णसाक्षरराज्यस्य लक्ष्यं प्राप्तुं योगदानं दत्तवन्तः जनान् प्रति कृतज्ञतां प्रकटयन् अभिनन्दनं च अकरोत्।
केंद्रीय शिक्षासचिवः संजयकुमारः हिमाचलस्य एतत् पराक्रमं विडियो सन्देशद्वारा अभिनन्दनं कृतवान्। नवसाक्षराणां कौशलाधारित- शिक्षाप्रदानस्य विषये सः बलं दत्तवान्। मुख्यमन्त्रिणः अन्येषां च गणमान्यजनानाम् स्वागतं कुर्वन् शिक्षासचिवः राकेशकंवरः अवदत् यत् पूर्णसाक्षरराज्यस्य स्थितिं प्राप्तुं हिमाचलेन विविधपरिमाणान्तरेण उपलब्धयः प्राप्ताः। सः अवदत् यत् आगामिसमये शिक्षाक्षेत्रे विविधाः क्षमताः वर्धिताः भविष्यन्ति येन भविष्ये आह्वानानां दृढतया सम्मुखीकरणं कर्तुं शक्यते।
निदेशक: विद्यालयीय: शिक्षा आशीष: कोहली उल्लासमेलापकस्य विषये विस्तृतां सूचनाम् अददत् उल्लास-कार्यक्रमस्य अन्तर्गतं ‘जन- जन- साक्षर:’ इति आदर्शवाक्येन कार्यं कुर्वन् राज्ये अनेके महत्त्वाकांक्षिणः कार्यक्रमाः सफलतया कार्यान्विताः इति उक्तवान्। अस्मिन् अवसरे स्वयंसेविकाः शिक्षकाः नवसाक्षराः च स्वस्य अनुभवान् प्रकटितवन्तः। विगतत्रिदशकाधिकेषु राज्यस्य पूर्णसाक्षरतायात्रायां महिलामण्डलानि, युवकमण्डलानि, अराजकीसंस्थाः, स्वयंसेवकाः च अमूल्यं योगदानं दत्तवन्तः।
