वणीनगरे रामायणप्रश्नावलीद्वारा संस्कृतसप्ताहस्य समापनम्
वार्ताहर: – जगदीश डाभी
शिक्षणप्रसारकमण्डल, वणीद्वारा चालितस्य लोकमान्यतिलकमहाविद्यालयस्य संस्कृतविभागस्य, संस्कृतभारत्याः वणीशाखायाः च सहयोगेन संस्कृतसप्ताहस्य अवसरे रामायणप्रश्नावली इति अपूर्व: उपक्रमः कार्यान्वितः।
अस्मिन् उपक्रमे, यत् अन्तर्जालद्वारा, सर्वथा निःशुल्कं च गृहीतम्, प्रतिदिनं रामायणसम्बद्धानां दशबहुविकल्पीयविषयप्रश्नानां माध्यमेन सम्पूर्णस्य रामायणस्य अध्ययनं जातम् । महर्षिवाल्मीकि-कथातः श्रीरामस्य शरयुप्रवेशपर्यन्तं कालखण्डे ये अद्वितीयाः विषयाः घटिताः, तेषां विषये सप्तदिनेषु सप्ततिः प्रश्नाः पृष्टाः। लोकमान्यतिलकमहाविद्यालयस्य छात्राणां, वणीक्षेत्रस्य संस्कृतप्रेमिणां च सीमा अस्ति चेदपि विशेषतया उल्लेखनीयं यत् अस्मिन् उपक्रमे १२१ सदस्याः सहभागं गृहीतवन्तः।
रामायणे एतानि सूक्ष्मविषयाणि पूर्वं कदापि न अधीतवन्तः अथवा एतानि विषये अवगताः न आसन्, तेषां प्रतिभागिनां प्रतिक्रियाः उपक्रमस्य विशिष्टतां विशेषतां च प्रकाशितवन्तः ।
२०२५ तमस्य वर्षस्य अगस्तमासस्य ६ दिनाङ्कात् २०२५ तमस्य वर्षस्य अगस्तमासस्य १२ दिनाङ्कपर्यन्तं आयोजिते अस्मिन् उपक्रमे भागं गृह्णन्तः संस्कृतप्रेमिणः अन्तिमे दिने प्रतिक्रियाप्रपत्रं पूरितवन्तः, महाविद्यालयस्य प्राचार्यस्य प्रसाद-खानझोडे इत्यस्य, संस्कृतविभागस्य प्रमुखस्य च संस्कृतभारतीशाखायाः अध्यक्षस्य विद्यावाचस्पति: स्वानंद गजानन पुंड महोदयस्य हस्ताक्षरेण आकर्षकं ई-प्रमाणपत्रं वितरितम् । प्रतिक्रियारूपेण आगामिवर्षे भवन्तः कस्य पुस्तकस्य अध्ययनं कर्तुम् इच्छन्ति? अस्मिन् प्रश्ने प्रतिभागिभिः दत्तानि अनेकानि उत्तराणि अस्य उपक्रमस्य लोकप्रियतायाः सफलतायाः च प्रतीकम् अस्ति ।
उपक्रमस्य तंत्रज्ञानपक्षस्य समन्वयः महाविद्यालयस्य कर्मचारी नितेश चामाटे: कृतवान् तथा प्रमाणपत्रं विजय उपाध्ये निर्मितवान् |
