गृहमन्त्री अवदत् आपरेशन ‘महादेव’ इत्यस्यान्तर्गतं पहलगाम आत‌ङ्किङ्क-आक्रमणे संलग्नाः त्रयः आतङ्कवादिनः व्यापादिताः

आपरेशन ‘महादेव’ इत्यस्यान्तर्गतं पहलगाम आत‌ङ्किङ्क-आक्रमणे संलग्नाः त्रयः आतङ्कवादिनः व्यापादिताः, शततः अधिकाः आत‌ङ्कवादिनः सिन्दूराभियाने च मारिताः – गृहमन्त्री अमितशाहः ।
हिमसंस्कृतवार्ता: – लोकसभायां आपरेशन-सिन्दूर-विषये विशेष चर्चा पुनः आरब्धा । चर्चावसरे गृहमन्त्री अमितशाहः अवदत् यत् “आपरेशन महादेव” इत्यस्यान्तर्गतं भारतीयसेना, सी. आर्. पी. एफ्., जम्मू-कश्मीर्-आरक्षकाः च पहलगाम आतङ्कि-आक्रमणे संलग्नान् त्रीन् आतङ्कवादिनः व्यापादितवन्तः। सः अवदत् यत् आतङ्कवादिभ्यः त्रीणि भुशुण्डी अस्त्राणि गृहीतानि, यानि पहलगाम-आक्रमणे प्रयुक्तानि आसन्। सुलेमान् शाहू, जिब्रान्, हम्जा अफ़्थानी च इत्येते त्रयः आतङ्कवादिनः सफलतया उन्मूलिताः । श्रीशाहः अवदत् यत् सुलेमान् एकः ‘ए’ प्रवर्गस्य आतङ्की आसीत्, यः पहलगाम-आक्रमणे गभीरतया संलग्नः आसीत् । गृहमन्त्रिणा उक्तं यत् अन्वेषणाभियानान्तर्गतम् एकशताधिकाः जनाः पृष्टाः, सङ्गृहीतानां सूचनानाम् आधारेण संमिश्र रेखाचित्राणि च निर्मितानि। सः अवदत् यत् तदनन्तरं जूनमासस्य द्वाविंशतिदिनाङ्के, बशीर् तथा च पर्वेज् इति द्वे व्यक्ती आतङ्कवादिभ्यः आश्रयं दत्तवन्तौ । सः अवदत् यत्, आपरेशन-सिन्दूर इति अभियानं मईमासस्य सप्तमे दिनाङ्‌के प्रातः चतुरधिकेकवादनतः चतुर्विंशत्यधिकेकवादन – पर्यन्तं सञ्चालितम्। अस्मिन् अभियाने पाकिस्तानस्य नव-आतङ्कवादिस्थलानि नष्टानि कृतानि, शततः अधिकाः आत‌ङ्ङ्किनः व्यापादिताः च । अस्मिन् आक्रमणे पाकिस्तानस्य सामान्यनागरिकाः न मृताः, लक्ष्यानि च पाकिस्तानस्य अन्तः शतं किलोमीटर्-परिमिते दूरे आसन् । सः सबलं प्रतिपादितवान् यत् नरेन्द्रमोदी-सर्वकारस्य आतङ्कवादं विरुध्य शून्य-सहिष्णुतायाः नीतिः वर्तते। श्रीशाहवर्यः अवदत् यत् पहलगाम-आतङ्कवादि-आक्रमणे निर्दोषाः पर्यटकाः स्वपरिवारस्य पुरतः क्रूरतया मारिताः। प्रत्युत्तरे प्रधानमन्त्री नरेन्द्रमोदी अविचल-संकल्पेन कार्यं कृतवान् तथा च आपरेशन-सिन्दूर अधिकृतवान् ।