प्रधानसचिवेन पंकजकुमारेण कृषि- विभागस्य पदभारः स्वीकृतः

प्रधानसचिवेन पंकजकुमारेण कृषि- विभागस्य पदभारः स्वीकृतः
हिमसंस्कृतवार्ता:- अंकुश कुमार:। बिहारराज्यस्य वरिष्ठ- भारतीय- प्रशासनिक- सेवाधिकारी पंकजकुमारः पटनानगरे स्थिते कृषिभवने औपचारिकरूपेण बिहारराज्यकृषिविभागस्य प्रधानसचिवपदस्य कार्यभारं स्वीकृतवान्। पदभारग्रहणस्य समये निवर्तमानसचिवः सञ्जयकुमार अग्रवालः प्रधानसचिवं सादरं स्वागतवान्। पदभारं स्वीकृत्य प्रधानसचिवेन विभागस्य वरिष्ठ- अधिकारिभिः सह एकः परिचयात्मकं मेलनम् आयोजितः। तस्मिन् समावेशे प्रधानसचिवेन सर्वेषाम् अधिकारिणां परिचयं प्राप्तं कृतवन्तः, विभागस्य प्रमुखयोजनाः, कार्यक्रमाः, वर्तमानकार्यप्रणाली च विषये विस्तृतं ज्ञानं प्राप्तम्। सः अधिकारिभ्यः विभागीयकार्येषु पारदर्शिता, समयपालनं, समर्पणं च अपेक्षितवान्। तेन उक्तं यत् “कृषिविभागः राज्यस्य मेरुदण्डरूपेण स्थितः अस्ति, अस्य सक्रियता च नवप्रयोगः च एव कृषकाणां समृद्धेः मूलमस्ति।”प्रधानसचिवेन निदेशः प्रदत्तः यत् सर्वेऽपि मण्डलाधिकारिणः आगामिसमीक्षासभायै स्व-स्वक्षेत्रे योजनानां प्रगतिस्थितिः, समस्याः च इत्यादि विषयानुसारं PPT प्रस्तुतिं सज्जां कुर्वन्तु। तेन उक्तं यत् यथावत्सूचनासंग्रहः, विश्लेषणम् एव प्रभाविप्रणयनस्य आधारभूतं तत्त्वमस्ति।
प्रधानसचिवेन स्पष्टतया उक्तं यत् “समस्ते अधिकारीणः परस्परं समन्वय-संवादयोः भावनया कार्यं कुर्वन्तु, यतः योजनानां लाभः यथार्थ- लाभार्थिभ्यः प्राप्तव्यः। विभागस्य प्रत्येकं कार्यं कृषकेन्द्रितं भवेत्। कृषकाः अस्माकं राष्ट्रस्य मेरुदण्डः, तेषां कल्याणाय सर्वैः समुचितं यत्नं कर्तव्यम्।”