जम्मू-कश्मीरे चेनाब्-अञ्जी-सेतोः उद्घाटनम् कृतम् प्रधानमन्त्रिणा नरेन्द्रमोदिना

जम्मू-कश्मीरे चेनाब्-अञ्जी-सेतोः उद्घाटनम् कृतम् प्रधानमन्त्रिणा नरेन्द्रमोदिना
हिमसंस्कृतवार्ता: – कश्मीरतः कन्याकुमारीपर्यन्तं देशः अधुना रेलमार्गेण सम्बद्धः अस्ति इति वक्तव्यम् जम्मू-कश्मीरस्य कटरा-नगरे चेनाब्, अञ्जी-खाद्-सेत्वोः उद्घाटनानन्तरम् प्रधानमन्त्रिणा नरेन्द्रमोदिना दत्तम्। अवसरेऽस्मिन् सः षट्चत्वारिंशत्सहस्र- कोटिरूप्यकाणां बहुविधविकासपरियोजनानां शिलान्यासम्, उद्घाटनं, राष्ट्राय समर्पणं च कृतवान्। जनसमूहं सम्बोधयन् सः अवदत् यत् एताः विकासपरियोजनाः जम्मू-कश्मीरस्य प्रगतिं नूतनीयां गतिं प्रदास्यन्ति । सः जम्मू-कश्मीरं भारतस्य मुकुट रत्नम् इति वर्णितवान्, चिनाब्-अञ्जी-सेतू जम्मू-कश्मीरस्य समृद्धेः द्वाररूपेण कार्यं करिष्यतः इति च सः अवोचत्।
जम्मू-कश्मीरस्य विकास परियोजनाः भारतस्य एकतायाः इच्छाशक्तेश्च महान् उत्सवः अस्ति – प्रधानमन्त्री नरेन्द्रमोदी
प्रधानमन्त्री नरेन्द्रमोदी उक्तवान् यत् अद्यतनः कार्यक्रमः भारतस्य एकतायाः इच्छाशक्तेश्च विशालः उत्सवः अस्ति । प्रधानमन्त्री इत्यपि अवदत् यत्, दुर्भाग्येण, अस्मत्प्रतिवेशी देशः मानवतायाः, जनसामान्यान्यस्य च जीवनं विरुध्य कार्यमाचरति। सः अप्रैलमासस्य द्वाविंशे दिनाङ्‌के पहलगामिति क्षेत्रे घटितघटनायाः उदाहरणम् उल्लिखितवान्। श्रीमोदी अवदत् यत् पाकिस्तानदेशः पहलगाम्-क्षेत्रे मानवीयतया सह कश्मीरियत् इत्यस्योपर्यपि आक्रमणम् अकरोत्, पर्यटनक्षेत्रमिदं लक्ष्यीकृत्य तेनोक्तं यत् पर्यटनमिदम् कश्मीरी-कुटुम्बकेभ्यः जीविकां प्रददाति। श्रीमोदी जम्मू-कश्मीराभ्यां द्वे नूतने वंदेभारतरेलयानेऽपि अघोषयत्। चेनाब्-अञ्जी-सेत्वोः उद्घाटनानन्तरं सः स्मारकमुद्राणां, मुद्राङ्‌ङ्कानां च विमोचनं कृतवान्।
गतैकादश-वर्षेषु राष्ट्रस्य विकासः युवशक्तेः अतुल्यशक्त्या दृढनिश्चयेन च प्रेरितः अस्ति- प्रधानमन्त्री नरेन्द्रमोदी
हिमसंस्कृतवार्ता: – प्रधानमन्त्री नरेन्द्रमोदी भारतस्य यूनां वैश्विक उपलब्धीः इति आरेखितवान्। तेनोक्तं यत् देशस्य युवानः वैश्विकरूपेण उल्लेखनीयं कार्यं कुर्वन्तः सन्ति। केन्द्रस्य एन्. डी. ए-प्रशासनस्य एकादशवर्षपूर्ती श्रीमोदी युवानः गतिशीलतायाः, नवान्वेषणस्य, दृढनिश्चयस्य च प्रतीकाः सन्ति इति वर्णितवान्। गतैकादश-वर्षेषु राष्ट्रस्य विकासः युवशक्तेः अतुल्यशक्त्या दृढनिश्चयेन च प्रेरितः अस्ति। सामाजिक-प्रसार-लेखने श्रीमोदिना लिखितं यत्, देशे युवानः विविधक्षेत्रेषु अकल्पनीयं कार्यं कृतवन्तः ।