“राजीव-गान्धी- विश्वविद्यालयः” अरूणाचलप्रदेशे
प्रथमवारं संस्कृतश्लोकावृत्तिप्रतियोगिता आयोजिता
वार्ताहर: – शिवम त्रिपाठी
रोनो-हिल्स् , दोइमुख , इटानगर :- अरुणाचलप्रदेशे राजीव-गान्धी-विश्वविद्यालये अन्तर्राष्ट्रीय-महिला-दिवसावसरे केन्द्रीयसंस्कृतविश्वविद्यालयस्य संस्कृताध्ययनकेन्द्रपरतया राजीव-गान्धी-विश्वविद्यालयस्य च सहयोगेन आयोजिता संस्कृतश्लोकावृत्तिप्रतियोगिता सफलतापूर्वकं सम्पन्ना। अस्याः प्रतियोगीतायाः सञ्चालकत्वेन राजीव-गान्धी-विश्वविद्यालयस्य दूरस्थ एवम् ऑनलाइन शिक्षासंस्थानस्य आङ्लविभागस्य सहायकाध्यापकः डॉ.सौरभमिश्रमहोदयः आसन् । एवं निर्णायकत्वेन आसन् राजीव-गान्धी-विश्वविद्यालयस्य हिन्दी विभागस्य सहायकाध्यापकः डॉ.विश्वजीतकुमारमिश्रामहोदयः, विश्वविद्यालयस्य अन्तार्राष्ट्रीयमहिलादिवसोद्यापनसमितेः संयोजिका राजीव-गान्धी-विश्वविद्यालयस्य सहायकाध्यापिका-जनसंपर्क अधिकारी (Public Relations Officer)-संस्कृताध्ययनकेन्द्रस्य केन्द्रधिकारिणी मोयिररीबामहोदया ,संस्कृताध्ययनकेन्द्रस्य केन्द्रशिक्षिका टिङ्कुदेवी च।
अस्यां प्रतियोगितायाम् उपस्थिता आसन् विश्वविद्यालयस्य अन्तर्राष्ट्रीयमहिलादिवसोद्यापनसमितेः अध्यक्षा-विश्वविद्यालयस्य वाणिज्यविभागस्य सहयकाध्यापिका डॉ. देवीबरुवामहोदया,महोदया प्रतियोगिनाम् उत्साहवर्धयन् उक्तवती यत् ‘सर्वेऽपि प्रतियोगिनः पुरस्कारभाजाः सन्ति, एतेषां दिव्योच्चारणेन कर्णयोः श्रवणसंस्कारः जातः। आगमि काले एतादृशी इतोपि कार्यक्रमाः कुर्मः इति। एवञ्च ये प्रतियोगितायां छात्रा: आसन् तेषां श्लोकान् श्रुत्वा डॉ.विश्वजीतमहोदयः स्व-छात्रकालस्य स्मरणं जातः इति कारणेन भावुको भूत्वा अवदत् यत् ‘विश्वविद्यालयस्य इतिहासे प्रथमवारं एतादृशी प्रतियोगिता आयोजिता,संस्कृतस्य सेवार्थं अग्रे इतोऽपि कार्यक्रमाणाम् आयोजनं निश्चयेन एव भविष्यति इति। अन्ये अध्यापकाध्यापिकाश्च अस्यां प्रतियोगितायाम् उपस्थिताः भूत्वा छात्राणां उत्साहवर्धनं कृतवन्त: एवञ्च उक्तवन्त: अस्माकं विश्वविद्यालये संस्कृतं प्रति एतादृशं कार्यक्रमं कदापि नाभवत् अयं कार्यक्रम: विश्वविद्यालये प्रथमवारं अभवत् । अतः अग्रे अस्माकं एकमेव संकल्पं भवेत् यत् एतादृशी संस्कृतप्रतियोगिता छात्राणां कृते सर्वाङ्गीण विकासाय भवेयु: । एवं अन्ते शान्ति मन्त्रै: सह कार्यक्रमस्य समापनं अभवत् ।
