दिल्लीमतदानम्-ः ५७.८९ प्रतिशतं मतदानेन दिल्लीविधानसभानिर्वाचनस्य सर्वेषु ७० आसनेषु मतदानं सम्पन्नम्,

दिल्लीमतदानम्-ः ५७.८९ प्रतिशतं मतदानेन दिल्लीविधानसभानिर्वाचनस्य सर्वेषु ७० आसनेषु मतदानं सम्पन्नम्,
हिमसंस्कृतवार्ताःनवदेहली। गतगुरुवासरे दिल्लीविधानसभानिर्वाचनस्य सर्वेषु ७० आसनेषु मतदानं सम्पन्नम् जातम्। सायं ६ वादनपर्यन्तं राजधान्यां ५७.८९ प्रतिशतं मतदातारः मतदानं कृतवन्तः । अस्मिन् काले ६९९ अभ्यर्थीनां भाग्यं ईवीएम-मध्ये गृहीतम् । ८ फरवरी दिनाङ्के परिणामस्य घोषणा भविष्यति। पूर्वोत्तरदिल्लीनगरे सर्वाधिकं मतदानप्रतिशतं ६३.८३ प्रतिशतं, दक्षिणपूर्वदेशे च न्यूनतमं ५३.७७ प्रतिशतं च आसीत् ।
भाजपा सांसदः मनोज तिवारिण संसदीयं निर्वाचनक्षेत्रमस्ति यत्र विगतेषु 12 वर्षेषु न्यूनतमं मतदानमस्ति। आम आदमीपक्षः तृतीयवारं सत्ताप्राप्त्यर्थं संघर्षे व्यस्तः अस्ति, तत्र भाजपा-काङ्ग्रेस-पक्षः अपि दिल्ली-नगरस्य सिंहासनं ग्रहीतुं संघर्षं कुर्वन्तः सन्ति । भाजपा २५ वर्षाणाम् अधिकं कालात् सत्तातः बहिः अस्ति। यत्र आम आदमीदलात् पूर्वं काङ्ग्रेसः १५ वर्षाणि यावत् सत्तायां आसीत्, परन्तु गतनिर्वाचनद्वये दलं एकमपि आसनं प्राप्तुं न शक्तवान्।
निर्वाचनरणे प्रमुखप्रत्याशिनः आम आदमी पार्टीति-दलस्य राष्ट्रिय-संयोजकः अरविन्दकेजरीवालः दिल्ल्याःमुख्यमन्त्री आतिशी दिल्ल्याः मन्त्री गोपालरायः भाजपेतिदलीयाः विजेन्द्रगुप्ता प्रवेशवर्मा रमेशबिधूडी कलाशगहलोतः च वर्तन्ते। कांग्रेसदलस्य संदीपदीक्षितः हारूनयुसूफः अल्कालाम्बाः च विद्यन्ते। राष्ट्रिय-राजधान्यां स्वतन्त्रं निष्पक्षं शान्तिपूर्ण च मतदानं सुनिश्चितुं व्यापकप्रबन्धनं विहितमस्ति। सप्ततिविधानसभाक्षेत्रेषु भूयोऽपि सप्तशतोत्तर-त्रयोदशसहस्रं यावत् मतदानकेन्द्राणि स्थापितानि। उपराष्ट्रपति जगदीप धनखड़ अवोचत् यतृ मतदानं लोकतन्त्रस्य आधारो वर्तते अपि च प्राणभूत्तवेन वर्तते तेन वार्ताहरच सम्वादे प्रोक्तं यत् मतदानं सर्वेषां अधिकाराणां मूलमन्त्रं विद्यते । तत्रैव मुख्यनिर्वाचनायुक्त राजीव कुमारेन दिल्ली विधानसभायाः सुष्ठु निर्वाचन संचालनाय अधिकारिणां, सुरक्षाबलानां, सममेव अन्येषां प्रयासानां प्रशंसां विहिता। दिल्ल्याः उपराज्यपालः विनय कुमार सक्सेना सर्वान् अपि जनान् आग्रहं अकरोत् यत् ते लोकतन्त्रस्य महोत्सवे निष्वप्रचं भाग-ग्रहणं कुर्वन्तु। तेनोक्तं यत् मतदानं जनानां वाणी अस्ति।
तमिलनाडु-राज्यस्य ईरोड्-पूर्व-विधानसभाक्षेत्रस्य मतदानम्
तमिल्नाडु-राज्यस्य ईरोड्-पूर्व-विधानसभाक्षेत्रस्य, उत्तरप्रदेशस्य मिल्कीपुर्-मण्डलस्य च उप-निर्वाचनस्य मतदानम् अपि सम्पन्नम्। पञ्चवादनं, यावत्, चतुःषष्टिः दशमलव द्वि प्रतिशतं यावत् मतदानं ईरोड्-पूर्वे सञ्जातम्। अपि च पञ्चषष्टिः दशमलव पंचविंशतिः प्रतिशतं यावत् मिल्कीपुरे सञ्जातम्।