साइबर-वञ्चनम् : बहिः राज्येषु प्रयुक्ताः हिमाचलस्य ११९७९ वित्तकोषसंख्या:
हिमसंस्कृतवार्ता: – कार्यालयीय: प्रतिनिधि:।
एकतः राज्ये प्रतिदिनं साइबर-वञ्चन-प्रकरणानि वर्धन्ते । तत्सह अस्मिन् विषये पर्वतराज्यानां जनानां सहभागिता अपि न्यूना नास्ति । हिमाचलप्रदेशे विभिन्नेषु वित्तकोषेषु उद्घाटितानां ११९७९ एतादृशानां वित्तकोषसंख्यानां परिचय: कृतः, येषां उपयोगः बहिः राज्येषु वञ्चनं कर्तुं जालसाधकैः कृतः अस्ति । एतादृशाः वित्तकोषसंख्या: राज्यस्य प्रत्येकस्मिन् मण्डले, सरकारीबैङ्कात् आरभ्य निजीबैङ्कपर्यन्तं प्राप्ताः सन्ति । साइबर-अपराधस्य भाषायां एतादृशा: वित्तकोषसंख्या: खच्चर-लेखाः इति उच्यन्ते । एतेषां वित्तकोषसंख्यानां माध्यमेन एकस्मात् वित्तकोषसंख्यात: अन्यतमं वित्तकोषसंख्यां प्रति अवैधधनं प्रेष्यते । एतेन सह धनशोधनार्थं अपि अनेका: वित्तकोषसंख्या: प्रयुक्ता: सन्ति । मण्डीनगरे एव एतादृशानि ४९२ विवरणानि प्राप्तानि । एतेषु कोटिशः अवैधरूप्यकाणि अग्रे प्रेषितानि सन्ति। उत्तरप्रदेश:, दिल्ली, कर्नाटक:, गुजरातम्, उत्तराखण्ड:, बिहार: इत्यादिभ्यः अनेकेभ्यः राज्येभ्यः हिमाचलवित्तकोषानां एतासु वित्तकोषसंख्यासु अवैधधनं प्रेषितम् अस्ति। वित्तकोषसंख्याधारकाः एता: संख्या: साइबरवञ्चकेभ्यः विनिमयाय दत्तवन्तः। प्रतिफलस्वरूपं एतेषां जनानां प्रत्येकं वञ्चनतः धनं दीयते । अनेकप्रसङ्गेषु वित्तकोषसंख्या: विक्रीताः सन्ति ।
एतेषां वित्तकोषसंख्यानां बहुसंख्याकाः हिमाचलस्य निवासिनः तथा च प्रवासिनः सन्ति । एतादृशानि शतशः वित्तकोषसंख्या: साइबरपुलिसद्वारा स्थगिता: सन्ति, परन्तु अद्यापि तेषां संख्या वर्धमाना अस्ति। साइबर-जालसाधकाः एतासु वित्तकोषसंख्यासु धनं प्रेषयन्ति, एकस्या: वित्तकोषसंख्यात: अन्यतमां वित्तकोषसंख्याम् अग्रे प्रेषयन्ति अपि च एतेभ्यः धनं निष्कासयन्ति । एतादृशानां सर्वेषां वित्तकोषसंख्यानां एटीएम इत्यादीनि नेटबैङ्किंग्, मोबाईलबैङ्किंग् च विवरणानि साइबरवञ्चका: गृह्णन्ति । यदा पुलिस एतादृशेभ्य वित्तकोषसंख्या-धारकेभ्य: प्रश्नं करोति तदा एते जनाः एतादृशस्य कस्यापि वित्तकोषसंख्याविषये अज्ञानं प्रकटयन्ति। एते जनाः प्रथमं सामाजिकमाध्यमेन तेषां सम्पर्कं कृत्वा धनं दातुं प्रलोभयन्तः साइबर-वञ्चकै: प्रलोभिताः भवन्ति तदनन्तरं एकवारं वित्तकोषसंख्या प्रयुक्ता जाता चेत् एते जनाः सदायै जालसाधकानां पङ्क्तौ फसन्ति। साइबर अपराधपुलिसस्थानकस्य मण्डी केन्द्रीयखण्डस्य एएसपी मनमोहनशर्मा इत्यनेन उक्तं यत् यदि वित्तकोषसंख्यायां एतादृशः उपयोगः भवति तर्हि धारकस्य वैधानिककार्यविधे, बन्दीग्रहणस्य च सम्मुखीकरणं कर्तव्यं भवितुं शक्यते। एतादृशानां खाताधारकाणां विरुद्धं वित्तकोषा: अपि कार्यविधिं कर्तुं शक्नुवन्ति। यदि कस्यचित् एतादृशी सूचना अस्ति अथवा किमपि उपालंभ: अस्ति तर्हि सः साइबरपुलिस-सहायतासंख्या १९३० तथा साइबरपुलिसस्थानक इत्येतयोः सम्पर्कं कर्तुं शक्नोति।
कर्नाटकप्रदेशे प्रयुक्ता मण्ड्या: वित्तकोषसंख्या
मण्डीमण्डलस्य एतादृशस्य एकस्य वित्तकोषसंख्याधारकस्य म्यूलसंख्यायांशम् उपयोगः कर्णाटकस्य साइबर-जालसाधकैः कृतः अस्ति । यदा कर्नाटकपुलिसदलं अस्य विषयस्य अन्वेषणार्थं मण्डीनगरं प्राप्तम् तदा तै: ज्ञातं यत् मण्डीनगरस्य एकः व्यक्तिः लोभात् स्वस्य वित्तकोषसंख्या साइबरवञ्चकेभ्यः विक्रीतवान्, यस्य उपयोगः अधुना वञ्चनपूर्णधनव्यवहारेषु क्रियते।
