मुख्यमन्त्रीसुक्खुः अन्ताराष्ट्रीयपदकविजेतॄणां क्रीडकानां सम्मानं कृतवान्। उक्तवान् च- “वयं “स्पोर्ट्स कॉम्प्लेक्स” इत्यस्य निर्माणं करिष्याम:।
हिमसंस्कृतवार्ता:- शिवा शर्मा/डॉ पद्मनाभ:
हिमाचलप्रदेशस्य मुख्यमन्त्री सुखविन्दरसिंहसुक्खुः गुरुवासरे भव्यसमारोहे २१ अन्ताराष्ट्रीयपदकविजेतृभ्यः १४.७७ कोटिरूप्यकाणां पुरस्कारधनराशिना पुरस्कृतवान्। असौ ऊनामण्डलस्य निषादकुमाराय ७.८० कोटिरूप्यकाणां पुरस्कारधनराशिं प्रदत्तवान्। निषादः 2022 तमे वर्षे टोक्यो– पैरालिम्पिकक्रीडासु रजतपदकं, 2024 तमे वर्षे पेरिस– पैरालिम्पिकक्रीडासु रजतपदकं, 2023 तमे वर्षे चीनदेशे पैराएशियनक्रीडासु स्वर्णपदकं, 2022 तमे वर्षे पुर्तगाले विश्वक्रीडासु रजतपदकं च प्राप्तवान् आसीत्। मुख्यमन्त्री मण्डीजनपदस्य अजयकुमाराय २.५० कोटिरूप्यकाणां पुरस्कारराशिं प्रदत्तवान्। अजयकुमारः 2023 तमे वर्षे चीनदेशे पैराएशियनक्रीडासु रजतपदकं प्राप्तवान्। सिरमौरमण्डलस्य कबड्डीक्रीडिकायै ऋतुनेगी इत्यस्यै अपि मुख्यमन्त्रिणा पुरस्कारराशि: प्रदत्ता। ऋतुनेगी 2023 तमे वर्षे चीनदेशे पैरा– एशियनक्रीडासु भारतीयकबड्डी-दलस्य प्रतिनिधित्वेन स्वर्णपदकम् अर्जितवती आसीत्।
CM Sukhu : अन्ताराष्ट्रीयक्रीडकानां सम्मानम्
मुख्यमन्त्रिणा सुखविन्द्रेण सुक्खुणा गुरुवासरे शिमलायां आयोजिते नकद-पुरस्कार-वितरण-समारोहे अंतार्राष्ट्रीय पदक-विजेतारः एकविंशतिः क्रीडका: सम्मानिताः। ओलम्पिक, पैरालम्पिक, एशियाड, कॉमनवेल्थ-प्रतियोगितासु विजयं प्राप्य क्रीड़ा: धनराश्या पुरस्कृताः। ऊनायाः पैरालम्पिक-एथलीट-निषादकुमाराय सर्वाधिकं ७.७० कोटिरूप्यकाणां पुरस्कारराशिः दत्ता।
समारोहे स्वे भाषणे मुख्यमन्त्रिणा उक्तं यत् कांग्रेससर्वकारस्य कालः यदा प्रारब्धः तदा प्रदेशस्य कोषः रिक्तः आसीत्। पूर्वसर्वकारेण प्रदेशसम्पदः विनष्टाः। अस्माभिः व्यवस्था परिवर्तनं कृत्वा आत्मनिर्भरं प्रदेशं निर्मीयते। यत् क्रीडका: सम्मानं प्राप्नुवन्ति, तत् आत्मनिर्भर-हिमाचलस्य कल्पनायाः साकाररूपं वर्तते।
मुख्यमन्त्रिणा उक्तं यत् पुरस्कारराशिः अष्टगुणितं वर्धिता। क्रीडका: विदेशं गत्वा देशस्य यशः वृद्धिं कुर्वन्ति तदा प्रदेशस्यापि कीर्तिः वर्धते। क्रीडकान् अस्माकं सर्वकार: प्रणमति। विद्यालय-खेलक्रीडायाः भोज्य राशि:, महाविद्यालय-क्रीडायाः तथा राष्ट्रीयस्तरक्रीडायाः अपि भोज्यराशि: वर्धिता।
मुख्यमन्त्रिणा उक्तं यत् हिमाचलप्रदेशे इंटीग्रेटेड स्पोर्ट्स कॉम्प्लेक्स निर्मीयते। अत्र अंताराष्ट्रीयस्तरस्य शूटिंग-रेंज,तरणकुंड , मुष्टिकाताडनक्रीडा, मल्लयुद्धम्, लॉन-टेनिस-कोर्ट इत्येतानि च स्थापितानि भविष्यन्ति । चतुर्षष्टिसु विधानसभासु एतेषां निर्माणकार्यं आगामि वर्षे प्रारभ्यते। एकस्मिन क्रीड़ा-परिसरे पञ्चाशत् कोटिः रूप्यकाणां व्ययः क्रियते। जलस्रोतः यत्र अस्ति, तत्र तरणकुंड अपि स्थापितं भविष्यति।
अन्ताराष्ट्रीयस्तरस्य अन्त:क्रीडाङ्गण- निर्माणकार्यं अपि आरभ्यते, यत् अक्तूबर 2025 पर्यन्तं सम्पूर्णं भविष्यति। मुख्यमन्त्रिणा उक्तं यत् प्रदेशे आर्थिकसंपदः विद्यमानः अस्ति। शासनं केवलं सुखाय न, किन्तु समाजस्य सामान्यजनानाम् हिताय च। आर्थिकाह्वानानां सम्मुखीकरणं अस्माभि: युद्धस्तरे कृतम्, राजनीतिक-आह्वानानि अपि सम्मुखीकृतानि।
