Himsanskritnews Headlines : विद्यालयीयछात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- राष्ट्रपति-द्रौपदी-मुर्मुः प्रोक्तवती यत् गतदश-वर्षेषु स्वच्छता अभियानम् एकं राष्ट्रव्याप्यभियानम् अभवत्।
- प्रधानमन्त्री नरेन्द्रमोदी त्रिदिवसीयायां संयुक्त राज्य अमेरिकादेशस्य यात्रायां मासस्यास्य एकविंशतितः त्रयोविंशति-दिनाङ्कपर्यन्तं गमिष्यति, चतुर्थे क्वाड्-सम्मेलने च भागं भजिष्यति।
- एनडीए इति राष्ट्रिय-लोकतांत्रिक संघस्य तृतीये प्रशासने शतदिवसात्मक-शासनस्य पूर्तावधौ केन्द्रीयकृषि-मन्त्री शिवराजसिंहचौहानः घोषितवान् यत् प्रशासनम् अग्रिममासतः आकाशवाणी-दूरदर्शनाभ्यां कृषिचौपालाख्यः कार्यक्रमः समारप्स्यति।
- अस्य वर्षस्य चाइना ओपन बैडमिंटन इति क्रीडा स्पर्धायां मालविका बंसोड इत्यनया महिला-एकल-वर्गे क्रिस्टी गिल्मर इत्येषा क्रीडिका पराजिता।
हिमाचलवार्ता:
- संजौली मस्जिदविवादे हिन्दुसङ्घटनानि नेरवायां विरोधप्रदर्शनं कृतवन्तः। तस्मिन् एव काले सम्पूर्णं क्षेत्रं घोषोद्घोषै: प्रतिध्वनितम्। साम्प्रदायिकसङ्घर्षस्य निवारणाय पुलिसैः ठोसव्यवस्था कृता। बुधवासरे एव नेरवाविपण्याम् अतिरिक्तपुलिसबलं नियोजितम् आसीत्।
- न्यायमूर्ति: जी.एस.संधवालिया हिमाचलप्रदेशस्य उच्चन्यायालयस्य मुख्यन्यायाधीश: भविष्यति। सर्वोच्चन्यायालयस्य कालेजियम इत्यनेन केन्द्रसर्वकाराय तस्य नाम अनुशंसितम् अस्ति। सः पञ्जाब-हरियाणा-उच्चन्यायालयस्य वरिष्ठतमः न्यायाधीशः अस्ति ।
- संजौली-मस्जिद-विवादः दिल्ली-नगरं प्राप्तवान् अस्ति । गुरुवासरे राज्यकाङ्ग्रेस-अल्पसंख्यकमोर्चा इत्यनेन शीर्षनेतृत्वाय एतस्य विषयस्य सूचना दत्ता। काङ्ग्रेसस्य अल्पसंख्यकमोर्चा इत्यस्य राष्ट्रीयाध्यक्ष: तथा सांसद इमरान प्रतापगढ़ी इत्यस्य नेतृत्वे राज्यकाँग्रेसस्य अल्पसंख्यकमोर्चा-इत्यस्य अध्यक्ष: इकबाल मोहम्मद: नवदेहल्यां कांग्रेसस्य राष्ट्रीयमहासचिवेन केसी. वेनुगोपालेन मिलितवान्।
- आर्यसमाजस्य संस्थापकस्य स्वामी दयानन्दसरस्वती इत्यस्य २००तमं जन्मदिवसम् अस्मिन् वर्षे अन्ताराष्ट्रीयस्तरस्य महता हर्षोल्लासेन आचर्यते। स्वामीदयानन्दस्य चिन्तनपरम्परां निर्वाहयन् आर्यसमाजशिमलाया: १४२ वर्षाणां समापनसमये सामवेदपारायणमहायज्ञस्य आरम्भः कृतः, यस्य समापन २२ सितम्बरदिनाङ्के भविष्यति।
- हिमाचलप्रदेशस्य राजधानी शिमलानगरस्य जुब्बड़हट्टीक्षेत्रे विद्युत्प्रहारकारणात् एकस्य व्यक्ते: मृत्युः अभवत् । सूचनानुसारं मृतः व्यक्तिः हिमाचलप्रदेशसर्वकारस्य जलशक्तिविभागे पम्पसञ्चालकरूपेण कार्यं कुर्वन् आसीत् । बुधवासरे रात्रौ एव एषा घटना अभवत् इति कथ्यते।
