निजीक्षेत्रेषु गमिष्यन्ति जयरामसर्वकारेण निर्मिताः त्रय: अटल-आदर्शविद्यालयाः , सचिवालये आयोजिता सभा
हिमसंस्कृतवार्ता: – शिमला।
हिमाचले पूर्वजयरामसर्वकारे त्रिषु विधानसभाक्षेत्रेषु निर्मिताः अटल-आदर्शविद्यालयपरिसराः निजीक्षेत्राय समर्पयितुं राज्यसचिवालये महत्त्वपूर्णसभा आयोजिता। निजीक्षेत्रस्य संस्थाभिः सह निविदां निर्गन्तुं पूर्वं नियमानाम् निर्णयार्थं एषा सभा आहूता आसीत्। समागमस्य आयोजनं शिक्षासचिवः राकेशकंवरेण कृतम्, परन्तु शिक्षामन्त्री रोहितठाकुरः अपि चर्चायै तस्य भागः अभवत् ।
राज्यसर्वकारेण एते परिसरा: निजीक्षेत्राय दातुं विचारः अपि उत्साहं प्राप्तवान् यतः एतान् विद्यालयान् ग्रहीतुं बहवः प्रसिद्धाः संस्थाः अग्रे आगताः सन्ति। पिरामल फाउण्डेशन, भारती फाउण्डेशन, संपर्क फाउण्डेशन, प्रथम, आविष्कार:, विद्यापीठ शिमला, डीएवी दिल्ली, हिम एकेडमी हमीरपुर, अभिलाषी इन्स्टिट्यूट नेरचौक इत्यादय: संस्था: अपि अस्मिन् सत्रे रुचिं प्रकटितवन्त: । राज्यसर्वकारस्य पक्षतः शिक्षासचिवः निर्मितान् विद्यालयपरिसरान् निजीक्षेत्राय प्रदातुं विचारं प्रकटितवान् तथा च एतेषां निजीसंस्थानां प्रतिफलरूपेण शिक्षाविभागेन नियमाः उपनियमा: च याचिताः। अधुना शिक्षाविभागः चर्चायाः समये ये विचाराः आगताः तेषां आधारेण Request for Proposal अर्थात् RFP इति निर्गतं करिष्यति।
एते सर्वकारीयपरिसराः निजीक्षेत्राय अनुबन्धे दातुं शक्यन्ते । एतासु संस्थासु प्रवेशार्थं हिमाचलस्य भाग: निर्धारितः भविष्यति। अधुना चर्चाकृतानां विचाराणां आधारेण एते नियमा: निर्णीताः भविष्यन्ति। उल्लेखनीयं यत् मण्डीमण्डलस्य धर्मपुरविधानसभाक्षेत्रस्य मढ़ीक्षेत्रे अटल-आदर्शविद्यालयपरिसरः सज्जः अस्ति। ऊनामण्डलस्य कुटलैहड़विधानसभाक्षेत्रस्य बङ्गानायां मण्डीमण्डलस्य नाचनविधानसभाक्षेत्रे अपि एतादृशाः परिसराः निर्मिताः सन्ति, येषां निर्माणं सम्पन्नं भवितुं प्रवृत्तम् अस्ति । राज्यस्य शिक्षाविभागः स्वयमेव एतान् परिसरान् चालयितुं असमर्थः इव दृश्यते। अस्य बृहत्तमं कारणं अस्ति यत् एतेषु विद्यालयेषु प्रवेशार्थं पर्याप्ताः बालकाः न सन्ति। अतः आवासीयविद्यालयेषु अपि बालकान् बहिः आनेतुं प्रवृत्ताः भविष्यन्ति। सर्वकारीययोजनायाः अन्तर्गतं निर्मितं भवनं निजीक्षेत्राय समर्पयितुं विभागे एषः प्रथमः प्रयोगः अस्ति।
