HP Bye Election : देहरायां निर्वाचनात् पूर्वं नूतनः विवादः, भाजपाया: आरोप:, होशियारसिंहस्य पृष्ठे अस्ति काङ्ग्रेसः, चलचित्रं प्रसृतम् – राकेश जमवाल:
हिमसंस्कृतवार्ता: – देहरा ।
देहराविधानसभाया: उपनिर्वाचनस्य संयोजकः भाजपायाः मुख्यप्रवक्ता सुन्दरनगरस्य विधायकः राकेशजमवालः प्रैसविज्ञप्तौ प्रदत्ते वक्तव्ये उक्तवान् यत् ३० सहस्रकोटिरूप्यकाणां ऋणं स्वीकृत्य अपि मुख्यमन्त्री सुखविन्दरसिंहसुक्खुः राज्यस्य कोषः शून्यः इति भैरीघोषं कृत्वा जनान् भ्रामयति। कोटिरूप्यकाणां ऋणं स्वीकृत्य अपि सुक्खु: किञ्चिदपि राज्ये विकासं कर्तुं न शक्तवान् । सुक्खुः जनसामान्यस्य समक्षं श्वेतपत्रं विमोचयेत् यत् ऋणरूपेण गृहीतानि कोटिरूप्यकाणि कुत्र गतानि। सः अवदत् यत् मित्रसमूहः देहरानिर्वाचने विजयं प्राप्तुं कोटिकोटिरूप्यकाणि व्यययति। सुक्खू- सर्वकारेण भाजपाप्रत्याशिन: होशियारसिंहस्य पृष्ठतः सामान्य- वस्त्रधारिणः पुलिसबलं नियुक्तम् अस्ति, यस्य एकं चलचित्रम् अपि प्रसृतम् अभवत्। अस्मात् अनुमानं कर्तुं शक्यते यत् सुक्खुः स्वपत्न्याः कमलेशठाकुराया: विजयाय कीदृशीं युक्तिं आश्रित्य वर्तते।
सः अवदत् यत् देहरातः होशियारसिंहस्य विजयः निश्चितः अस्ति तथा च सुक्खुः अस्मिन् विषये दुःखितः अस्ति। राज्ये एकं सर्वकारीयं तन्त्रं निर्वाचनं कुर्वन् अस्ति, सुक्खु-सर्वकारः अपि पश्चात् अस्ति। तदपि एतेषु त्रिषु उपनिर्वाचनेषु भाजपा विजयं पञ्जयिष्यति। एतेषां निर्वाचनानां अनन्तरं राज्ये नेतृत्वपरिवर्तनं भविष्यति इति सः अवदत्। राकेशजमवालः अवदत् यत् सुक्खुसर्वकारः सम्प्रति मिथ्याघोषणानां पर्वतः अभवत्, यस्य अधः जनसमूहः मर्दितः अस्ति। राज्ये रक्तस्य, बलात्कारस्य, चौर्यस्य च प्रचुरतायाः कारणात् विधिव्यवस्था सर्वथा कम्पिता अस्ति । राज्यस्य जनाः स्वं असुरक्षितं मन्यन्ते। सः अवदत् यत् सुक्खू-सर्वकारः आतङ्क-वातावरणं निर्माय अस्मिन् निर्वाचने विजयं प्राप्तुं प्रवृत्तः अस्ति, परन्तु जनसमूहः शीघ्रमेव सुक्खू-सर्वकाराय स्वस्य उत्तरं दास्यति। सः अवदत् यत् सुक्खुः स्वस्य असफलतायाः कारणात् अन्येभ्य: दोषं ददाति। सार्धैकवर्षे सुक्खुसर्वकारेण राज्यस्य जनानां दृष्टौ उपद्रवः कृतः। सुक्खुसर्वकारेण स्त्रियः, अनुद्योगिन:, कृषकाः, निर्धनाः च वञ्चिताः। सः उक्तवान् यत् जनाः सुक्खुसर्वकारेण क्लिष्टाः सन्ति। जनसमूहः सर्वकारात् मुक्तिं प्राप्तुम् इच्छति।
