Himsanskritnews Headlines : विद्यालयीय- छात्रेभ्य: प्रार्थनासभायां वक्तुं प्रमुखा: संस्कृतवार्ता:
राष्ट्रीयवार्ता:
- भारतीयजनतापार्टीतिदलस्य वरिष्ठनेता सांसदः च ओमबिरलाः अद्य अनवरतं द्वितीयवारं लोकसभायाः अध्यक्षःचितः। प्रधानमन्त्री नरेन्द्रमोदी विपक्षदलीयः नेता राहुलगांधी अन्येषां दलानाञ्च नेतारः नवीन अध्यक्षाय शुभकामनाः अयच्छन्।
- भारतेन सवलं प्रतिपादितं यत् स्थायि-अस्थायि श्रेण्ययोः विस्तारं कृत्वा संयुक्तराष्ट्र- सुरक्षापरिषदि संशोधनस्य समयः आगतः।
- केन्यायां नवकरप्रस्तावं अभिलक्ष्य प्रदर्शनकारिभिः संसत्भवने आक्रमणं विधाय तदीय एकः भागः अग्निसात् कृतः। अनन्तरं आरक्षिणां कार्याचरणे पञ्च प्रदर्शनकारिणः मृताः।
- अद्य मादक पदार्थानां दुरुपयोगं अवैधतस्करणं च विरुध्य अन्ताराष्ट्रीय दिवसः विद्यते।
- तरणस्पर्धायां धनिधि-देसिंघुः श्रीहरि नटराजः च वैश्विक मानांकनस्य माध्यमेन पेरिस- ओलम्पिक स्पर्धायै स्थानं प्राप्तवन्तौ।
हिमाचलवार्ता
निर्वाचनविभागस्य प्रवक्ता अवदत् यत् त्रिषु विधानसभाक्षेत्रेषु आयोज्य-उपनिर्वाचनेषु नामाङ्कनानां निवृत्तेः अनन्तरं अधुना आहत्य १३ अभ्यर्थिनः स्पर्धायाम् सन्ति। अधिकाधिकं सूचनां दत्त्वा प्रवक्ता अवदत् यत् देहरायां कोऽपि अभ्यर्थी नामाङ्कनं न निष्कासितवान् अत्र च आहत्य पञ्च, हमीरपुरे अधुना निर्दलीयप्रत्याशी प्रदीपकुमारस्य नामाङ्कनस्य निवृत्तेः अनन्तरं त्रयः तथा च नालागढनगरे अधुना निर्दलीयप्रत्याशी गुरनामस्य नामाङ्कनस्य निवृत्तेः अनन्तरं पञ्च अभ्यर्थिनः निर्वाचनक्षेत्रे सन्ति।
- शिमलामण्डलस्य झाकड़ीक्षेत्रे गानवीस्थानस्य समीपे एकं बोलेरो-कैम्परयानं अनियंत्रिततं भूत्वा गभीरे गर्ते पतितम्। दुर्घटनायां एकः व्यक्तिः स्थले एव मृतः, द्वौ जनौ घातितौ। मृतस्य पत्नी अपि आहतानाम् अन्तर्भवति। उभौ चिकित्सायां खनेरी-चिकित्सालये प्रवेशितौ स्तः।
- हिमाचलप्रदेशस्य ऋतुविज्ञानविभागेन २९ जूनतः प्रचण्डवृष्टिः भविष्यति इति सचेतना दत्ता। एषः वर्षाक्रमः सम्पूर्णे राज्ये त्रिदिवसाभ्यधिकं यावत् निरन्तरं भविष्यति। राज्ये २८ जूनतः २ जुलाईपर्यन्तं निरन्तरं वर्षा भविष्यति।
- जुलैमासस्य प्रथमदिनात् आरभ्य देशे सर्वत्र त्रीणि नवीनानि आपराधिकविधानानि कार्यान्वितुं गच्छन्ति। पुरातनविधानानां स्थाने भारतीयन्यायसंहिता, भारतीयनागरिकरक्षासंहिता, भारतीयसाक्ष्याधिनियमः च स्थापिताः भविष्यन्ति। नूतननियमेषु कस्यापि अन्वीक्षणस्य, ग्रहणस्य च सन्दर्भे पुलिसैः विडियोरिकार्डिङ्ग-इति कर्तुम् अनिवार्यं कृतम् अस्ति। अधुना कोऽपि व्यक्तिः पुलिस-स्थानम् न गत्वा ई- एफआईआर-प्रयोगं कर्तुं शक्नोति।
- अखिलभारतीयकाङ्ग्रेससमित्याः महासचिव प्रियङ्कागान्धी बुधवासरे अपराह्णे राजधानी शिमलानगरं प्राप्तवती।आगामिदिनद्वयं-त्रयं यावत् शिमलानगरे स्थातुं निश्चिता अस्ति। सम्भवति यत् प्रियङ्का गान्धी हिमाचले देहरा- नालागढ- हमीरपुर- त्रिषु विधानसभाक्षेत्रेषु अपि उपनिर्वाचनस्य प्रचारं कर्तुं शक्नोति।
- हिमाचलप्रदेशराज्यपरिवहनप्राधिकरणस्य बुधवासरे गोष्ठी अभवत्। अस्यां गोष्ठ्यां ३५०० टैक्सी-यानानां अनुज्ञापत्रं दातुं अनुमोदनं दत्तम्। सभायाः अध्यक्षता परिवहनविभागस्य प्रमुखसचिवः आर. डी. नजीम: अकरोत्। हिमाचलप्रदेशे लोकसभा-विधानसभा-निर्वाचनानां कारणात् टैक्सी-यानानां अनुज्ञापत्र-निर्गमनस्य विषयः प्रायः पञ्चमासान् यावत् लम्बितः आसीत्। सभायां ई-टैक्सी योजनायाः विषये अपि चर्चा अभवत्। प्रथमचरणस्य ११४ युनः ई-टैक्सी-यानस्य अनुदानं प्राप्स्यन्ति।
Sanskrit k sath Hindi. Vyakhya bhi sath ho to is barta ki khyati or bdegi
समाचारपत्र किसी भी भाषा के दैनिक अभ्यास के लिए होते हैं उनमें व्याख्या नहीं दी जा सकती। समाचार पत्र में अतीव सरल एवं सुबोध भाषा का प्रयोग किया जाता है