HP Election : ‘शुक्कर-पुङ्ग-उपनद्यो: वज्रचूर्णकस्थापनं कृत्वा खननतस्करै: खनिजसम्पदा चोरिता’- मुख्यमंत्री सुखविन्दरसिंहसुक्खुः
हिमसंस्कृतवार्ता- बिलासपुरम्।
मुख्यमन्त्री सुखविन्दरसिंहसुक्खुः उक्तवान् यत् पूर्वभाजपासर्वकारे राज्ये सार्वजनिकसम्पत्त्याः लुण्ठनम् अभवत्। बृहत् तस्करा: सज्जाः भूत्वा शुक्कर- पुङ्ग- उपनद्यो: वज्रचूर्णकस्थापनं कृत्वा सम्पूर्णं खनिजसम्पदां हरन्ति स्म। एतादृशाः बहवः जनाः परोपकारिणः भवन्ति, परन्तु भ्रष्टाचारद्वारा धनम् अर्जयितुं व्यस्ताः भवन्ति। एतादृशानां भ्रष्टजनानाम् उपरि पाशं कठिनं कृत्वा सर्वकारेण एकस्मिन् वर्षे २२०० कोटिरूप्यकाणां अतिरिक्तं राजस्वं प्राप्तम्। किं वयं न जानीमः यत् भाजपा काङ्ग्रेससर्वकारस्य पतनस्य षड्यंत्रं कुर्वन् अस्ति, मुख्यः शिल्पकारः जयरामठाकुरः आसीत्। षट् काङ्ग्रेसविधायकाः त्रयः निर्दलीयाः च भाजपायै विक्रीताः। इन्द्रदत्तलखनपालः अस्माभिः सह प्रातःभोजने स्वच्छं रसं पिबति स्म, मया मन्यते यत् सर्वं सुष्ठु अस्ति, प्रथमं मतदानं कर्तव्यम् इति वदन् बड़सरविधायकः प्रस्थितवान्, सर्वेषु दृष्टिः स्थापयिष्यामि इति। परन्तु, सः पूर्वमेव विक्रीतवान् आसीत्, तस्य नाम अधुना इन्द्रदत्तविक्रीत: अभवत्। दलस्य विरोधः अस्ति, अस्माकम् अपि आसीत्, परन्तु कदापि न विक्रीतम्। दलस्य मध्ये स्थित्वा युद्धं कृतवान्।
मुख्यमंत्री सुखविन्दरसिंहसुक्खुः लोकसभाप्रत्याशिन: सतपालरायजादा इत्यस्य समर्थने बिलासपुरे, घुमरवीं विधानसभानिर्वाचनक्षेत्रस्य बद्धाघाटे, भराड़यां, झंडूत्ता विधानसभाक्षेत्रस्य च निर्वाचनजनसभासु एतद् उक्तवान्। सः अवदत् यत् यदा सः राज्ये सत्तां स्वीकृतवान् तदा कोषे एकसप्ताहस्य अपि व्ययस्य पूर्तये धनं नासीत्। आगामिमासस्य वेतनं कर्मचारिभ्यः दातुं न शक्ष्यन्ति इति अधिकारिणः अवदन्। अहं अवदम् यत् वेतनं दत्तं भविष्यति तथा च सर्वकारः अपि चालयिष्यते, भ्रष्टाचारस्य पृष्ठद्वाराणि पिधायितव्यानि भविष्यन्ति।
मुख्यमन्त्री उक्तवान् यत् जूनमासस्य चतुर्थे दिने एकः अपि विक्रयणयोग्यः पूर्वविधायकः विजयी न भविष्यति। तेषां स्थितिः दुर्गता भविष्यति, जनसमूहेन तान् स्वगृहं प्रेषयितुं निर्णयः कृतः। भाजपायाः कोऽपि निष्ठावान् कार्यकर्ता विक्रीतविधायकेभ्य: मतदानं न करिष्यति, यतः ते भाजपायाः कृते आवश्यकाः न सन्ति, ते बाध्यताः एव। भाजपाराष्ट्रियाध्यक्षः जेपीनड्डावर्यस्य बाध्यतायाः कारणात् तं दलस्य समावेशं कृतवान् अस्ति। जयरामठाकुरः वदति यत् जूनमासस्य चतुर्थे दिने द्वौ सर्वकारौ निर्मितौ भविष्यतः, एकः हिमाचले अपरः दिल्लीनगरे, परन्तु विपक्षस्य नेतु: गणितस्य अङ्काः न्यूनाः भविष्यन्ति। ते न जानन्ति यत् उभयत्र भाजपा- सर्वकाराः न निर्मीयन्ते। हिमाचले काङ्ग्रेससर्वकाराय कोऽपि संकट: नास्ति। सर्वकारस्य निरपेक्षबहुमतम् अस्ति, अतः एव तस्य विधायकौ मण्डी- शिमला- संसदीयक्षेत्रेभ्यः निर्वाचनं कुर्वतः सन्ति। सः अवदत् यत् न्यायालये अटन्तः नियुक्तय: वैधानिकक्लेशात् बहिः कृत्वा नियुक्तिपत्राणि दातुं सर्वकारेण आरब्धा। सर्वकारीयविभागेषु ४००००० रिक्तस्थानानि सन्ति। अस्माकं सर्वकारेण एकस्मिन् वर्षे २२ सहस्रनियुक्तयः कृताः। हिमाचलस्य पूर्वस्य डबलइञ्जिनसर्वकारेण सर्वकारीयकोषस्य रिक्तीकरणेन सह ५ वर्षेषु केवलं २० सहस्र एव नियुक्तय: कृताः। अस्माकं सर्वकारः केवलं मतार्थं राजनीतिं न करोति। अधिकारिणः अवदन् यत् २०२६ तमे वर्षे कर्मचारिभ्यः पुरातनवृत्ति: दातव्यं येन ते २०२७ तमस्य वर्षस्य निर्वाचने लाभं प्राप्तुं शक्नुवन्ति। परन्तु प्रथमे एव मन्त्रिमण्डले अहं ओपीएस दत्तवान्। अधुना अन्येषु बोर्डेषु निगमेषु च वृत्तिं दातुं सर्वकारः विचारयिष्यति।
