कांग्रेस: प्राप्स्यति महिलानाम् अपमानस्य दण्डः- जयरामठाकुर:
हिमसंस्कृतवार्ता- मण्डी।
विपक्षस्य नेता जयरामठाकुरः अवदत् यत् काङ्ग्रेसपक्षः निरन्तरं महिलानां अपमानं कुर्वन् अस्ति। एतत् न सह्यम्। हिमाचलस्य पुत्री कङ्गनारणौताया: भाजपादलस्य नामपत्रस्य प्राप्तमात्रेण काङ्ग्रेसः देशे सर्वत्र तस्याः पृष्ठे अपतत्। तस्यै प्रत्येकं मञ्चात् अश्लीलदुर्व्यवहाराः अपमानजनकाः विषयाः च उच्यन्ते। अस्याः सरकाघाटस्य वीरपुत्र्याः लोकप्रियतायाः कारणात् काङ्ग्रेसस्य सदस्याः एतावन्तः भयभीताः सन्ति यत् अधुना ते सम्पूर्णमातृशक्तीनाम् अपमानं कर्तुं आरब्धवन्तः। सरकाघाटस्य बल्द्वाड़ायां, सुन्दरनगरक्षेत्रस्य डैहरे च पन्नाप्रमुखसम्मेलने दलकार्यकर्तृभ्यः सम्बोधयन् सः अवदत् यत् काङ्ग्रेसः निर्वाचनकाले मतदानार्थं मातृभगिनीनां विषये चिन्तयति।
काङ्ग्रेसः १५ मासेभ्य: मार्गेषु पतितं मलिनावशेषम् अपसारयितुं नाशक्नोत् – जयरामठाकुरः
महिलाः १५ मासेषु १५०० रूप्यकाणि दातुं न स्मर्यन्ते स्म अधुना यदा मतं याचयितुम् समयः आगच्छति तदा मातृभगिनीभ्यः पङ्क्तौ स्थित्वा प्रपत्राणि पूरयितुं प्रार्थ्यन्ते। अधुना यदा एषा प्रक्रिया मतं प्राप्तुं आरब्धा तदा भाजपा निर्वाचनायोगं प्रति गता। ते १५ मासेभ्यः मार्गपार्श्वे पतितं मलिनम् उद्धर्तुं न शक्तवन्तः, सम्पूर्णस्य हिमाचलस्य विकासस्य विषये च वदन्ति। किं न सत्यं यत् भवतः परिवारः केवलं निर्वाचनकाले एव मण्डीं स्मरति?
जयरामः विक्रमादित्यसिंहमपि लक्ष्यीकृतवान्
काङ्ग्रेसस्य प्रत्याशी विक्रमादित्यसिंहः भाजपायाः कङ्गनारनौत मण्डी इत्यस्य कृते किं कृतवती इति पृच्छति। सा किं कृतवती किं करिष्यति इति उत्तरं भवन्तः प्राप्स्यन्ति, परन्तु भवतः एतावन्तः सन्ततय: इतः निर्वाचने विजयं प्राप्तवन्तः, भवतः परिवारेण मण्डी-संसदीय-निर्वाचनक्षेत्रस्य कृते किं कृतम् इति कथयन्तु। सार्वजनिकरूपेण भवतः किं वक्तव्यं प्रथमं भवतः मातरं पृच्छतु। यदा काङ्ग्रेस-सर्वकारेण शतशः संस्थाः पिहिता:, तदा भवान् भवतः माता च, या इतः सांसदा आसीत्, सा च किमर्थं मौनम् अभवत्?
मण्डीनगरे २५० कोटिरूप्यकाणां व्ययेन शिवधामस्य निर्माणं क्रियमाणम् आसीत् किन्तु भवतः सर्वकारः सत्तां प्राप्तमात्रेण तत् कार्यं स्थगितम् अभवत् तथा च मुख्यमन्त्री नादौनं २०० कोटिरूप्यकाणि किमर्थं नीतवान्। सरदारपटेलविश्वविद्यालयस्य व्याप्तिं न्यूनीकृत्य तस्य पिधानस्य षड्यंत्रम् अभवत्। एतादृशे सति माता पुत्रश्च तूष्णीं किमर्थं तिष्ठेत्। अस्मिन्नवसरे भाजपा प्रत्याशी कंगनारणौत,सरकाघाटस्य विधायक: दिलीपठाकुर:, सुंदरनगरस्य विधायक: राकेशजम्बाल:, भाजपाप्रवक्ता अजय राणा आदि गणमान्या: जना: उपस्थिता: अभवन्।
