जनान् जलस्य महत्त्वं ज्ञापयितुं जलस्य संरक्षणाय च प्रतिवर्षं मार्चमासस्य द्वाविंशति: दिनांके विश्वजलदिवसः आचर्यते
हिमसंस्कृतवार्ता:- डॉ नरेन्द्रराणा सिरमौर: ।
जलमेव जीवनम्…. अस्माभिः एतत् सर्वदा श्रुतम्। परन्तु वयं सम्भवतः न जानीम: यत् अस्यां पृथिव्यां ७१ प्रतिशतं जलस्य प्रायः ३ प्रतिशतं जलं पेयम् अस्ति। अनेकेषु देशेषु बहवः क्षेत्राणि सन्ति यत्र अद्यत्वे अपि जनाः पेयस्य प्राकृतिकजलस्य आकांक्षां कुर्वन्ति। जनान् जलस्य महत्त्वं ज्ञापयितुं जलस्य संरक्षणाय च प्रतिवर्षं मार्चमासस्य द्वाविंशति: दिनांके विश्वजलदिवसः आचर्ते। विश्वजलदिने संयुक्तराष्ट्रसङ्घेन सम्मेलनस्य आयोजनं क्रियते। अस्मिन् वर्षे संयुक्तराष्ट्रसङ्घस्य २०२३ जलसम्मेलनं न्यूयॉर्कनगरे भविष्यति, यस्य उद्देश्यं जलसंरक्षणविषये जनानां मध्ये जागरूकतां प्रसारयितुं भविष्यति।
विश्वे प्रथमवारं १९९२ तमे वर्षे ब्राजीलदेशे आयोजिते पर्यावरणविकाससम्मेलने जलदिवसस्य प्रस्तावः कृतः। तदनन्तरं १९९२ तमे वर्षे दिसम्बरमासे संयुक्तराष्ट्रसङ्घस्य महासभायाः स्वीकृतम्। विश्वजलदिवसस्य उत्सवस्य प्रस्तावः १९९२ तमे वर्षे पारितः, ततः परं प्रतिवर्षं मार्चमासस्य २२ दिनाङ्के विश्वजलदिवसम् आयोजयितुं घोषितः। १९९३ तमे वर्षे मार्चमासस्य २२ दिनाङ्के प्रथमवारं विश्वजलदिवसः आचरितः। २०१० तमे वर्षे संयुक्तराष्ट्रसङ्घः सुरक्षितस्य, स्वच्छस्य, पेयजलस्य स्वच्छतायाः च अधिकारं मानवाधिकाररूपेण स्वीकृतवान्।
