काङ्ग्रेसदले पृष्ठवर्गस्य उपेक्षायाः कारणात् ओबीसी-अध्यक्षः विक्रमचौधरी स्वपदात् त्यागपत्रं दत्तवान्
हिमसंस्कृतवार्ता- शिमला।
हिमाचलप्रदेशकाङ्ग्रेससमित्याः अन्यपृष्ठवर्गस्य (ओबीसी) एककस्य अध्यक्षः विक्रमचौधरी स्वपदात् त्यागपत्रं दत्तवान्। राज्यसर्वकारेण ओबीसी-वर्गस्य प्रार्थना पूर्तिः न कृता इति कारणेन तस्य त्यागपत्रस्य कारणं सः उद्धृतवान् अस्ति। तेनोक्तं यत् ओबीसी-आयोगे, ओबीसी- वित्तनिगमस्य च अध्यक्षपदानि अपि न पूरितानि। सः अपि आरोपितवान् यत् २०२२ तमस्य वर्षस्य दिसम्बरमासे हिमाचलप्रदेशे काङ्ग्रेससर्वकारस्य निर्माणानन्तरं सः विश्वसिति यत् ओबीसी-जनानाम् हितस्य पालनं भविष्यति, परन्तु तत् न अभवत् चौधरीमहोदयः अवदत् यत् ओबीसी-प्रकरणानाम् समाधानार्थं दलेन किमपि न कृतम्। ४१८ पीसीसी, डीसीसी, बीसीसी सदस्येषु केवलं अष्टौ ओबीसी सदस्याः एव स्थानं प्राप्तवन्तः। अस्य अतिरिक्तं ओबीसी प्रमाणपत्रस्य वैधता, उच्चशिक्षायां १८ प्रतिशतं आरक्षणं तथा च सर्वकारे प्रथमद्वितीयतृतीयचतुर्थश्रेणीषु कार्येषु १८ प्रतिशतं आरक्षणस्य कार्यान्वयनम्, एचपीपीएससी तथा अधीनस्थेषु ओबीसीसदस्यानां नियुक्तिः चिरकालात् याचना लम्बिता अस्ति, इति उक्तवान्। उल्लेखनीयं यत् सः चौधरीसरवणकुमारस्य पुत्रः अस्ति। स्वर्गीयः चौधरी सरवणकुमार: पूर्वमन्त्री, विधानसभाया अध्यक्षः च आसीत्।
