CM Sukhu : प्रत्येकं आह्वानं दृढनिश्चयेन सम्मुखीकृत्य आत्मनिर्भरस्य हिमाचलस्य दृष्टिः सफलीकरिष्यामः
हिमसंस्कृतवार्ता- कार्यालयीय: प्रतिनिधि:।
मुख्यमन्त्री सुखविन्दरसिंहसुक्खुः सोलनस्य पुरातनबसस्थानके विशालं जनसभां सम्बोधयन् अवदत् यत् राज्यसर्वकारः हिमाचलस्य उज्ज्वलभविष्यं सुनिश्चेतुं विविधाः योजनाः नीतयः च निर्माय कार्यान्वयनं करोति। सर्वकारः भ्रष्टाचारस्य द्वाराणि पिधाय राज्यस्य संसाधनानाम् उपयोगं जनकल्याणाय राज्यस्य विकासाय च कुर्वन् अस्ति, भाजपा अनैतिकपद्धतिं स्वीकृत्य लोकतान्त्रिकप्रक्रियायाः दुर्बलीकरणाय प्रयतते। सः आरोपितवान् यत् केचन जनाः सार्वजनिकधनस्य शक्तिं प्रयुज्य लोकतान्त्रिकरूपेण निर्वाचितं सर्वकारं आहतं कर्तुं प्रयतन्ते। सः अवदत् यत् राज्यसर्वकारः राज्यस्य आत्मनिर्भरीकरणस्य उद्देश्येन कार्यं कुर्वन् अस्ति, समीचीननीतिः च अनुसरणं कुर्वन् अस्ति।
मुख्यमन्त्री अवदत् यत् आर्थिकसम्पदाया: अभावेऽपि राज्यसर्वकारः प्राकृतिकविपदायाः दृढतया सम्मुखीकरणं कृतम्। राज्यसर्वकारेण केन्द्रात् विशेषसहायता न प्राप्ता, तथापि वयं प्राथमिकता: निर्धारितवन्तः, प्रत्येकं प्रभावितं व्यक्तिं च सर्वसम्भवं साहाय्यं च प्रदत्तवन्तः। राज्यसर्वकारः सामान्यजनं केन्द्रे स्थापयित्वा स्वयोजनानां कार्यक्रमानां च स्वरूपं निर्णाययति। नियमाः प्रक्रियाः च सरलीकृत्य सर्वकारीयसेवाः सामान्यजनस्य द्वारे आनेतुं सर्वकारः प्रयतते। अस्य दृष्ट्या राजस्वविभागे विशेषराजस्वलोक-न्यायालयानां आरम्भः कृतः। तस्य उत्साहवर्धकाः परिणामाः उद्भूताः सन्ति।
राज्यसर्वकारस्य विभिन्नयोजनानां चर्चां कुर्वन् सः अवदत् यत् २०२४-२५ वित्तवर्षस्य बजटे मुख्यमन्त्री सुखशिक्षायोजना आनीता अस्ति। अस्याः योजनायाः अन्तर्गतं राज्यस्य एतादृशानां सर्वेषां विधवानां २७ वर्षपर्यन्तं बालकानां शिक्षायाः व्ययः राज्यसर्वकारः वहति, येषां वार्षिक-आयः सर्वेभ्यः स्रोतेभ्यः एकलक्षात् न्यूनं भवति। मुख्यमन्त्री सुख-आश्रययोजना, आपदा- आश्रयसंकुलम्, आङ्ग्लमाध्यमेन शिक्षा, ग्रामीण अर्थव्यवस्था- सुदृढीकरणं, ओपीएस, कर्मचारीकल्याणम् इत्यादीनां विविधयोजनानां विषये विस्तृतां सूचनां अददत्।
मुख्यमंत्री सुखविन्दरसिंहसुक्खुः अवदत् यत् वयं राजनैतिक-आह्वानेभ्य: न बिभेमः। वयं प्रत्येकं आव्हानं दृढनिश्चयेन सम्मुखी करिष्यामः, २०३२ वर्षपर्यन्तं स्वावलम्बी हिमाचलस्य दृष्टिः सफलं करिष्यामः। संसाधनानाम् संयोजनाय सर्वकारः नूतनान् उपक्रमान् कुर्वन् अस्ति, तेषाम् उपयोगः राज्यस्य जनानां विकासाय कल्याणाय च सुनिश्चितं भविष्यति। मुख्यमन्त्री सोलननगरे यानस्थगनस्थलस्य (पार्किङ्ग) अंतर- क्रीडाङ्गणस्य च निर्माणाय १०-१० कोटिरूप्यकाणि प्रदातुं घोषितवान्।
