लालबहादुरशास्त्री स्मृतिदिवस:
लालबहादुरशास्त्री भारतस्य द्वितीयः प्रधानमन्त्री आसीत्। १९६४ तमे वर्षे जूनमासस्य ९ दिनाङ्कात् १९६६ तमे वर्षे जनवरीमासे ११ दिनाङ्कपर्यन्तं सः प्रायः अष्टादशमासान् यावत् भारतस्य प्रधानमन्त्री आसीत्। अस्मिन् प्रमुखपदे तस्य कार्यकालः अद्वितीयः आसीत्। भारतस्य स्वातन्त्र्यानन्तरं शास्त्रीजी उत्तरप्रदेशस्य संसदसचिवरूपेण नियुक्तः। गोविन्दबल्लभपन्तस्य मन्त्रिमण्डले पुलिसपरिवहनमन्त्रालये नियुक्तिः अभवत्। परिवहनमन्त्रीत्वकाले सः प्रथमवारं महिलासञ्चालकानां नियुक्तिं कृतवान्। पुलिसमन्त्री भूत्वा च सः जनसमूहस्य नियन्त्रणार्थं लाठ्याः स्थाने जलतोपस्य उपयोगं कृतवान्। १९५१ तमे वर्षे जवाहरलालनेहरू इत्यस्य नेतृत्वे अखिलभारतीयकाङ्ग्रेससमित्याः महासचिवः नियुक्तः। १९६२ तमे वर्षे निर्वाचनेषु काङ्ग्रेसपक्षस्य विशालबहुमतेन विजयं प्राप्त्यर्थं सः अतीव परिश्रमं कृतवान्।
१९६४ तमे वर्षे मईमासस्य २७ दिनाङ्के प्रधानमन्त्रित्वकाले जवाहरलालनेहरूवर्यस्य मृत्योः अनन्तरं शास्त्रीजी स्वच्छप्रतिबिम्ब-कारणात् देशस्य प्रधानमन्त्री अभूत्। १९६४ तमे वर्षे जूनमासस्य ९ दिनाङ्के सः भारतस्य प्रधानमन्त्रीरूपेण कार्यभारं स्वीकृतवान्। १९६५ तमे वर्षे भारत-पाक-युद्धं तस्य शासनकाले आरब्धम्। अस्मात् वर्षत्रयपूर्वं भारतं चीनदेशेन सह युद्धे पराजितम् आसीत्। अस्मिन् अप्रत्याशितयुद्धे शास्त्रीजी नेहरू इत्यस्मात् अपेक्षया राष्ट्राय उत्तमं नेतृत्वं दत्त्वा पाकिस्तानाय पराजयं दत्तवान्। पाकिस्तानदेशः स्वप्नेषु अपि एतत् कदापि न कल्पितवान् आसीत्। ताशकन्दनगरे पाकिस्तानस्य प्रधानमन्त्री अयूबखानसहितं युद्धस्य समाप्त्यर्थम् अभिसन्धिं कृत्वा १९६६ तमे वर्षे जनवरीमासस्य ११ दिनाङ्के रात्रौ रहस्यपूर्णपरिस्थितौ सः मृतः। मृत्योः परं भारतरत्नेन पुरस्कृतः लालबहादुरशास्त्री महान् व्यक्तिः आसीत्। लालबहादुरशास्त्रिण: जन्मदिवसः २ अक्तूबर दिनाङ्के शास्त्रीजयन्ती इति नाम्ना तस्य मृत्युदिवसः च अद्य लालबहादुरशास्त्री स्मृतिदिवसरूपेण आचर्यते।
