शिमलायां भाजपा-दलस्य उग्रं विरोध-प्रदर्शनम्, मुख्यमन्त्रि-आवासं ‘ओकओवर’-प्रति प्रयाणम्
हिमसंस्कृतवार्ता: — शिमला।
हिमाचले भाजपा-नेतृणाम्, विधायकानां जनप्रतिनिधीनां च विरुद्धं पञ्जीकृतानाम् एफ.आई.आर.-प्रकरणानां विरोधे बुधवासरे भारतीय-जनता-पाटी (भाजपा) राजमार्गेषु अवतीर्णा। भाजपा-विधायक-दलेन, दल-पदाधिकारिभिः बृहत्-सङ्ख्याकैः कार्यभिश्च शिमलायाः सी.टी.ओ.-चतुष्पथि (सीटीओ चौक) काङ्ग्रेस-सर्वकारस्य विरुद्धं तीव्रं प्रदर्शनं कृतम् उच्चैः घोषा: (नारेबाजी) च कृताः। प्रदर्शनात् परं भाजपा-विधायक-दलं कार्यकर्तारश्च मुख्यमन्त्रिणः सर्वकारीय-आवासं ‘ओकओवर’-प्रति प्रस्थिताः।
मुख्यमन्त्रि-आवासस्य वेष्टनस्य (घेराव) घोषणाम् आधारीकृत्य ‘ओकओवर’-इत्यस्य बहिः आरक्षक-सुरक्षा (Police Security) वर्धिता अतिरिक्ता आरक्षक-सेना च नियोजिता। भाजपा-दलस्य आरोपः अस्ति यत् काङ्ग्रेस-सर्वकारः राजनीतिक-प्रतिशोधस्य भावेन भाजपा-दलस्य वर्त्तमानानां पूर्वतनानां च विधायकानां तथैव अन्यानां जनप्रतिनिधीनां विरुद्धं मिथ्या-अभियोगाः पञ्जीकरोति। दलस्य कथनम् अस्ति यत् सर्वकारः सत्तायाः दुरुपयोगं कृत्वा विपक्षस्य स्वरं निहन्तुं (दबाने का) प्रयासं करोति, यस्य विरोधे एतत् आन्दोलनम् आरब्धम् अस्ति। भाजपा-दलेन स्पष्टीकृतं यत् सः अस्मिन् विषये स्वकीयम् आन्दोलनम् अविरतं स्थापयिष्यति, यदा च मुख्यमन्त्रि-आवासं प्रति गच्छतः प्रदर्शकान् दृष्ट्वा प्रशासनेन सुरक्षा-व्यवस्था कठोरा कृता।
जयरामठाकुरेण सर्वकाराय दत्ता सचेतना
नेता-प्रतिपक्षः जयरामठाकुरः अवदत् यत् भाजपा-प्रदेश-अध्यक्षः राजीवबिन्दलः सहितं बहवः वर्त्तमानाः पूर्वतनाश्च विधायकाः निरन्तरं मिथ्या-अभियोगेषु पञ्जीक्रियमाणाः सन्ति। तेन प्रोक्तं यत् एतस्मात् कारणात् भाजपा-दलं राजमार्गेषु अवतरितुम् विवशं जातम्। तेन पक्ष: कृतः यत् भाजपा-दलस्य वर्त्तमानेषु पूर्वतनेषु च विधायकेषु अधुना यावत् प्रायः एक-द्वादश (दश-द्वादश) अभियोगाः पञ्जीकृताः सन्ति प्रदेशस्य इतिहासे च पूर्वं कदापि एतादृशं न अभवत्।
*अधिकारिभ्यः अपि सचेतना*
जयरामठाकुरेण मुख्यमन्त्रिणे सुखविन्दरसिंहसुक्खू-महोदयाय सचेतनां यच्छता प्रोक्तं यत् सर्वकारः एतादृशीं कार्याचरिणां अत्रैव स्थगयतु, अन्यथा भविष्ये गम्भीराः राजनैतिकाः परिणामाः भोक्तव्याः भवेयुः। तेन उक्तं यत् भाजपा-दलं एतं विषयं विधानसभायाम् अपि प्रमुखतया उत्थापयिष्यति। तेन एतदपि उक्तं यत् यदि राजनीतिक-द्वेषस्य भावेन केनापि अधिकारिणा कार्याचरिणा कृता अस्ति तर्हि तादृशानाम् अधिकारिणां ‘रिकॉर्ड’-पत्रं स्थापयिष्यते भविष्ये भाजपा-सर्वकारे निर्मिते सति तेषां विरुद्धं कार्याचरिणा करिष्यते।
‘राजनीतिक-द्वेषेण कार्यं करोति सर्वकारः’ : राजीवबिन्दलः
भाजपाप्रदेश-अध्यक्षः राजीवबिन्दलः आरोपम् अकरोत् यत् सुक्खू-सर्वकारः राजनीतिक-द्वेषस्य भावेन कार्यं करोति। तेन प्रोक्तं यत् भाजप-दलेन सर्वकारस्य विरुद्धं प्रदेशव्यापी-आन्दोलनस्य शङ्खनादः कृतः अस्ति एतत् आन्दोलनम् आगामि-दिनेषु सम्पूर्ण-प्रदेशे निरन्तरं स्थास्यति।
रणधीरशर्मा अवदत् – ‘प्रमुखाः नेतारः लक्ष्यीक्रियन्ते’
भाजपा-विधायकः रणधीरशर्मा आरोपम् अकरोत् यत् प्रदेश-अध्यक्षः राजीवबिन्दलः, विधायकः सुधीरशर्मा, पूर्व-विधायकः होशियारसिंहः, पूर्व-विधायकः राजेन्द्रराणा इति सहितेषु बहुषु भाजप-नेतृषु मिथ्या-प्रकरणाानि पञ्जीकृतानि सन्ति। तेन प्रोक्तं यत् सर्वकारः प्रदेशस्य वास्तविकेभ्यः विषयेभ्यः जनतायाः ध्यानं दूरीकर्तुं विपक्षी-नेतृषु अभियोगाः पञ्जीकारयति।
