नगरनिकायेषु अधुना सर्वाणि वित्तीय-आदान-प्रदानानि डिजिटल-माध्यमेन भविष्यन्ति
प्रदेशसर्वकारेण दत्ताः निर्देशाः, प्रथमा अगस्त-दिनाङ्कतः ‘उपयोग’ (UPOYG) पटलोपरि व्यवहारप्रविष्टिः अनिवार्या
हिमसंस्कृतवार्ता: — हिमाचलसर्वकारेण राज्यस्य सर्वेषु नगरनिगमेषु, नगरपरिषत्सु, नगरपञ्चायतेषु च ‘उपयोग’ अर्थात् ‘अर्बन प्लेटफार्म फॉर डिलीवरी ऑफ ऑनलाइन गवर्नेंस’ (UPOYG) पटल-माध्यमेन नगरसेवाः वित्तीयप्रबन्धनं च अनिवार्यं कर्तुं निर्णयः विहितः। नगरविकासविभागेन प्रसारितायाः अधिसूचनायाः अनुसारं प्रथम अगस्त-दिनाङ्कतः सर्वाणि वित्तीय-आदान-प्रदानानि लेखा च केवलम् ‘उपयोग’ पटलस्य (प्लेटफॉर्म) माध्यमेन एव विधास्यन्ते। सर्वकारेण अयं निर्णयः भारतसर्वकारस्य ‘राष्ट्रियमहानगरीय-डिजिटल-मिशन’ (नेशनल अर्बन डिजिटल मिशन) तथा च आवास-नगरकार्यमन्त्रालयस्य निर्देशानुसारं गृहीतः।
अस्य उद्देश्यं नगरनिकायानां वित्तीयप्रबन्धने पारदर्शितां, उत्तरदायित्वं, दक्षतां च वर्धयितुम् अस्ति। अधिसूचनायाः अनुसारं बजट-निर्माणं, विधेयक-प्रसंस्रकणं (बिल प्रोसेसिंग), सामान्य-खाता (जनरल लेजर), रसीद-पत्राणि, परिसम्पत्तिप्रबन्धनं, बैङ्क-मिलनं तथा च अन्यानि सर्वाणि लेखासम्बद्धानि कार्याणि ‘राष्ट्रियनगरलेखापुस्तिका’ (नेशनल अर्बन म्युनिसिपल अकाउंट्स मैनुअल) एवं ‘हिमाचलप्रदेशनगरलेखापुस्तिका-२०२५’ इत्यस्याः मानकसंगत्यनुसारम् ‘उपयोग’ पोर्टल्-उपरि एव विधास्यन्ते। सर्वकारेण स्पष्टीकृतं यत् प्रथमा अगस्त-दिनाङ्कतः पुरातनाः अभिलेखाः (लीगेसी डेटा) सर्वाणि नूतनानि वित्तीय-कार्याणि च डिजिटलरूपेण ‘उपयोग’ मञ्चे अङ्कयितुं अनिवार्याणि भविष्यन्ति।
सम्पत्तिकर-व्यापारलाइसेन्स् समेतानां नागरिकसेवानामपि निर्देशः
एतदतिरिच्य सम्पत्तिकरः, अवकरशुल्कं (कूड़ा शुल्क), व्यापारलाइसेन्स् (व्यापार अनुज्ञप्तिः) अन्याः नागरिकसेवाः अपि ‘उपयोग’ इत्यस्य लेखा-मॉड्यूल् (अकाउंट्स मॉड्यूल) इत्यनेन सह सम्बद्धाः करिष्यन्ते, येन राजस्वस्य आयव्ययपूर्णविवरणं पूर्णरूपेण ऑनलाइन पारदर्शि च भवितुं शक्नुयात्। अधिसूचनायां नगरनिगमानां आयुक्ताः, नगरपरिषदां नगरपञ्चायतानां च कार्यवाहकाधिकारिणः सचिवाश्च ‘उपयोग’ पटलस्य शतप्रतिशतं (१००%) प्रयोगं, समयानुसारं तथ्याङ्कप्रविष्टिं (डाटा एंट्री), ऑनलाइन-राजस्वसङ्ग्रहं वित्तीयविवरणनिर्माणं च प्रति उत्तरदायिनः कृताः सन्ति। अनेन सहैव सम्बद्धैः नगर-स्थानीय-निकायैः पोर्टल्-सक्रियीकरणात् (लाइव करने से) पूर्वं ‘यूजर एक्सेप्टेंस टेस्टिंग’ (UAT) प्रमाणपत्रं नगरविकासनिदेशकाय प्रदातव्यं भविष्यति। सर्वकारेण एतदपि स्पष्टीकृतं यत् ‘उपयोग’ पटल-तः प्रसारित-क्रियमाणानि धनप्रदान-वाउचर्-पत्राणि, रसीद-पत्राणि वित्तीयविवरणानि च अंकेक्षणाय (ऑडिट के लिए) अधिकृतानि प्रामाणिकानि च प्रलेखानि (दस्तावेज) मन्स्यन्ते।
