सर्वकारः पेट्रोल-डीजल-इन्धनयोः विक्रयणं वितरणं च नियन्त्रयतः अस्थायी-नियामक-उपायान् प्रत्यहृतवान्
सर्वकारेण पेट्रोल-डीजल-इन्धनयोः विक्रयणं वितरणं च नियन्त्रयन्तः अस्थायी-नियामक-उपायाः प्रत्यहृताः (वापस ले लिए) सन्ति। पेट्रोलियम-प्राकृतिकगैस-मन्त्रालयेन उक्तं यत् प्रथमात् जुलार्इ-दिनाङ्कात् सार्वजनिकक्षेत्रस्य तैलविपणनसंस्थानां (ओइल मार्केटिंग कम्पनीनां) खुदरा-विक्रयकेन्द्रेभ्यः (रिटेल आउटलेट्स) मोटर-स्पिरिट् (पेट्रोल) तथा च उच्चगति-डीजल (हाई स्पीड डीजल) इत्यनयोः उपरि एते अस्थायी-उपायाः निरसिष्यन्ते।
पश्चिम-एशिया-सङ्घर्षात् उत्पन्नानां परिस्थितीनां कारणात् सर्वकारेण पेट्रोल-डीजलयोः खुदरा-मूल्यानि स्थिरीकृत्य खुदरा-उपभोक्तारः अन्तर्राष्ट्रिय-इन्धन-मूल्येषु जातया तीव्रवृद्ध्या रक्षिताः। अनेन खुदरा-इन्धन-मूल्येषु थोक-उपभोक्तृभ्यः (थोक उपभोक्ताओं के लिए) प्रयुक्तेषु मूल्येषु च महद् अन्तरं सञ्जातम्। मन्त्रालयेन प्रतिपादितं यत् अस्याः स्थितेः निवारणाय १२ जून्-दिनाङ्कात् प्रवर्तितैः अस्थायी-नियामक-उपायैः खुदरा-विक्रयकेन्द्रेषु प्रतिग्राहकं प्रतिवाहनं वा प्रतिवासरं २०० लीटर परिमितस्य उच्चगति-डीजलस्य (हाई स्पीड डीजल) अस्थायी-सीमा निर्धारिता आसीत्, औद्योगिक-संस्थागत-वाणिज्यिक-उपभोक्तृभ्यः च अस्य उपयोगः अनिवार्यः कृतः आसीत्।
