उत्तराखण्ड-विधानसभायाम् ‘देवभूमि-परिवार-विधेयक-2026’ प्रस्तुतम्

उत्तराखण्ड-विधानसभायाम् ‘देवभूमि-परिवार-विधेयक-2026’ प्रस्तुतम्
हिमसंस्कृतवार्ता। उत्तराखण्ड-सर्वकारेण बजट-सत्रस्य अवसरे विधानसभायाम् “देवभूमि-परिवार-विधेयक-2026” इति प्रस्तुतम्। अस्य मुख्यम् उद्देश्यं जनकल्याणकारी-योजनानां प्रभावकारी क्रियान्वयनम् अस्ति। अस्मिन् विधेयके पारिते सति राज्ये एकं एकीकृतं प्रमाणीकृतं च परिवार-आधारितं ‘डेटाबेस’ (तथ्य-सञ्चयः) सज्जीकर्तुं शक्यते। अस्मिन् प्रपत्रे परिवारस्य 18 वर्षतः अधिकवयस्का वरिष्ठा महिला सदस्यैव गृहस्वामिनी (मुखिया) रूपेण अङ्किता भविष्यति। अस्याः प्राथमिकप्रक्रियायाः लक्ष्यं विभिन्न-सर्वकारीय-विभागेषु पञ्जीकृत-लाभार्थिनां तथ्यानां परस्परं संयोजनम् अस्ति। एतेन सर्वकारीय-योजनानां कार्यान्वयनम् अधिकं प्रभावशालि पारदर्शकं च भविष्यति। वर्तमानकाले सर्वे सर्वकारीय-विभागाः पृथक्-पृथक् लाभार्थि-सूचिकानां प्रयोगं कुर्वन्ति, येन तथ्यानां पुनरावृत्तिः, पुनः प्रमाणीकरणस्य क्लिष्टता, समन्वयस्य अभावः च इत्यादयः समस्याः उद्भवन्ति।