पश्चिम-एशिया-संघर्षेण वित्तीय-विपणौ अस्थिरता; सेबी-अध्यक्षस्य विनिवेशकान् प्रति धैर्यस्य आवाहनम्

पश्चिम-एशिया-संघर्षेण वित्तीय-विपणौ अस्थिरता; सेबी-अध्यक्षस्य विनिवेशकान् प्रति धैर्य-आवाहनम्
पश्चिम-एशिया-क्षेत्रे प्रचलितेन युद्ध-सङ्घर्षेण वित्तीय-विपणुषु वर्धमानाम् अस्थिरताम् अवलोक्य, सेबी (SEBI) संस्थायाः अध्यक्षेण श्री तुहिनकान्तपाण्डे-महोदयेन विनिवेशकाः धैर्यं संयमं च धरितुम् आहूताः। मुम्बई-नगर्यां ‘निफ्टी ५०’ (Nifty 50) इत्यस्य त्रिंशत् वर्षाणां गौरवपूर्णयात्रायाः उपलक्ष्ये आयोजितं कार्यक्रमं सम्बोधयन् पाण्डे-महोदयः अवदत् यत्— भारतस्य सुदृढं घरेलु-आधारभूत-संरचना (Domestic Infrastructure) एतादृश्याम् अनिश्चिततायां दृढतां प्रदास्यति।
अध्यक्षेण प्रतिपादितं यत् पश्चिम-एशिया-युद्धकारणात् प्रमुख-नौवहन-मार्गेषु (Shipping routes) बाधाः उत्पन्नाः, तथा च तैल-प्राकृतिकवायु-आपूर्तौ आकस्मिक-अवरोधेन वैश्विक-विपणिः वर्तमाने विप्लवस्य (Turmoil) सामनां कुर्वन् अस्ति। एतेन आपूर्ति-माङ्ग-पक्षयोः (Supply and demand) गम्भीरः अवरोधः जातः। तेन एतदपि स्पष्टीकृतं यत् भारतमपि एताभिः घटनाभिः प्रभावितम् अस्ति।