HP STATEHOOD DAY – परागपुरे एसडीएम (SDM) कार्यालयस्य स्थापना; नलसूहा-क्षेत्रे प्राथमिकस्वास्थ्यकेन्द्रस्य (PHC) घोषणा
हिमसंस्कृतवार्ता: – काङ्गड़ा।
मुख्यमन्त्री सुखविन्दरसिंहसुक्खु: रविवासरे परागपुरे आयोजितस्य ५६ तमस्य पूर्णराज्यत्वदिवसस्य अवसरे प्रदेशवासिनः वर्धापितवान्। सः अवदत् यत् अयं ऐतिहासिकः क्षणः अस्ति, यतः परागपुरे प्रथमवारं राज्यस्तरीयः समारोहः आयोजितः। मुख्यमन्त्रिणा राष्ट्रध्वजः उत्तोलितः तथा च आरक्षकाणां ‘परेड’ (Parade) इत्यस्य निरीक्षणं कृतम्, यस्य नेतृत्वं आईपीएस (IPS) अधिकारी तरुणा महोदया अकरोत्।
मुख्यमन्त्रिणा जसवां-परागपुर क्षेत्रे ‘एसडीएम’ कार्यालयस्य तथा च स्वस्य श्वशुरगृहे (नलसूहा) प्राथमिकस्वास्थ्यकेन्द्रस्य उद्घाटनस्य घोषणा कृता। सः मादकद्रव्याणां विरुद्धं जागरूकतायै ‘द व्हाइट ट्रुथ’ (The White Truth) इति वेब-सिरीज् (Web series) अपि विमोचितवान्।
स्वास्थ्य-शिक्षाक्षेत्रयोः ३००० कोटिरूप्यकाणां व्ययः
मुख्यमन्त्री उक्तवान् यत् चिकित्सालयेषु १५-२० वर्षपुरातन-यन्त्राणां परिवर्तनार्थं सर्वकारः ३,००० कोटिरूप्यकाणि व्ययिष्यति। राज्ये प्रथमवारं ‘रोबोटिक-सर्जरी’ आरब्धा। शिक्षाक्षेत्रे हिमाचलः गुणवत्तायां देशे पञ्चमं (५) स्थानं प्राप्तवान्, यत् २०२१ तमे वर्षे २१ तमे स्थाने आसीत्।
पेंशनभोगिभ्यः चतुर्थश्रेणीकर्मचारिभ्यः च महदाश्रय:
पूर्णराज्यत्वदिवसस्य अवसरे मुख्यमन्त्रिणा घोषितं यत् –
> ७० वर्षतः अधिकवयस्कानां पेंशनभोगिनां लम्वितं देयं (Arrear) जनवरी-मासे एव प्रदास्यते। एतदर्थं ९० कोटिरूप्यकाणि व्ययितानि भविष्यन्ति।
> २०१६ तः २०२१ पर्यन्तं सेवानिवृत्तानां चतुर्थश्रेणीकर्मचारिणां कृते ‘ग्रेच्युटी’ (५०%) तथा ‘लीव-एनकैशमेण्ट’ (७०%) इत्यस्य भुगतानं अपि अस्मिन्नेव मासे भविष्यति। एतदर्थं ९६ कोटिरूप्यकाणि व्ययिष्यन्ते।
कृषि-उद्यानपालनाय नूतन-आयोगस्य (Commission) सङ्घटनम्
कृषकाणां उद्यानपालकानां च हिताय राज्ये एकस्य ‘कृषि एवं उद्यानपालन आयोगस्य’ सङ्घटनं भविष्यति। एतदर्थं आगामि-बजेट-सत्रे विधेयकं (Bill) उपस्थापयिष्यते। मुख्यमन्त्रिणा उक्तं यत् १० प्रतिज्ञासु ७ प्रतिज्ञाः (Guarantees) पूर्णाः कृताः।
उपमुख्यमन्त्रिणः शुभकामनाः
उपमुख्यमन्त्री मुकेश अग्निहोत्री महोदयः हिमाचलस्य विकासयात्राम् उद्दिश्य नागरिकेभ्यः शुभकामनाः दत्तवान्। सः अवदत् यत् हिमाचलः अद्य अन्यपर्वतीयराज्याणां कृते ‘रोल-मॉडल’ (Role Model) अस्ति।
प्रधानमंत्रिणा अपि प्रदत्ता शुभकामना:
प्रधानमन्त्री नरेन्द्रमोदी महोदयः अपि ‘ट्वीट’ (एक्स) माध्यमेन अवदत् यत्- “प्रकृति-संस्कृत्योः संगमस्थली हिमाचलप्रदेशस्य परिवारजनेभ्यः पूर्णराज्यत्वदिवसस्य शुभकामनाः। एते जनाः स्वप्रतिभया पराक्रमेण च मां भारतीं सेवन्ते।
