१०.६८ कोटिरुप्यकाणां व्ययेन प्रतिस्थापयन्ते १२५ “जननीसुरक्षा- परावर्त्य-रुग्णयानानि”- मुख्यमंत्री सुक्खुः

१०.६८ कोटिरुप्यकाणां व्ययेन प्रतिस्थापयन्ते १२५ “जननीसुरक्षा- परावर्त्य-रुग्णयानानि”- मुख्यमंत्री सुक्खुः
हिमसंस्कृतवार्ता:- शिमला। राज्यसर्वकारः १०.६८ कोटिरुप्यकाणां व्ययेन १२५ “जननीसुरक्षा- परावर्त्य- रुग्णयानानि प्रतिस्थापयन्ति। यदा तु वृद्धानां परिचर्यायै तेभ्यः उत्तमस्वास्थ्यसेवाप्रदानार्थं च वृद्धानां उपशामकसेवानां विषये २० कोटिरूप्यकाणि व्ययन्ते। मुख्यमन्त्री सुखविन्दरसिंहसुक्खुः शुक्रवासरे शिमलानगरे राष्ट्रियस्वास्थ्यमिशनस्य समीक्षासभायाः अध्यक्षतां कुर्वन् एतत् उक्तवान्। सः अवदत् यत् नागरिकानां कृते सुलभाः, गुणवत्तापूर्णाः, मितव्ययी च सेवाः सुनिश्चितकरणं राज्यसर्वकारस्य सर्वोच्चप्राथमिकता अस्ति। तदर्थं स्वास्थ्यविभागस्य अन्तर्गतं विविधाः लोकसेवाः सुदृढाः क्रियन्ते।
वृद्धेभ्य: चिकित्सालयं गन्तुं प्रयोजनं न भविष्यति, गृहे एव चिकित्सां प्राप्स्यन्ति
मुख्यमन्त्री उक्तवान् यत् वृद्धानां परिचर्या सुनिश्चित्य तेभ्यः उत्तमस्वास्थ्यसेवाप्रदानार्थं वृद्धानां उपशामकपरिचर्याकार्यक्रमेण शय्यायां स्थितानां रोगिणां गृहे आधारितपरीक्षणस्य चिकित्सायाश्च प्रवेशः भविष्यति। अस्य कृते विशेषदलानां निर्माणं भविष्यति, येषु वैद्याः, सहायकचिकित्सकाः, अन्ये च कर्मचारिण: सन्ति। एतानि दलानि ७० आदर्शस्वास्थ्यसंस्थाभिः सह सम्बद्धानि भविष्यन्ति।
प्रथमप्रकारस्य मधुमेहरोगिणां बालकानां गर्भिणीनां कृते च निःशुल्कं मधुमेहापचायकयन्त्रं प्रदास्यते
मुख्यमन्त्री उक्तवान् यत् प्रथमप्रकारस्य मधुमेहरोगिणां बालकानां गर्भिणीनां च कृते निःशुल्कं भधुमेहापचायकयन्त्रं प्रदत्तं भविष्यति, यस्य कृते प्रायः ₹२.२५ कोटिरूप्यकाणि व्ययितानि भविष्यन्ति। मादकद्रव्यव्यसनस्य पाशे निबद्धानां युनां पुनर्वासं सुनिश्चितं करणं महत्त्वपूर्णम् अस्ति। पुनर्वासकेन्द्राणां सुदृढीकरणं अत्यावश्यकम्। सः अधिकारिभ्यः व्यापकयोजनां विकसितुं, अस्मिन् दिशि प्रभावीपदं स्वीकर्तुं च निर्देशं दत्तवान्।