*कुमारभास्करवर्मसंस्कृत-पुरातनाध्ययनविश्वविद्यालये द्विदिवसीय-शिक्षक-प्रशिक्षण-कार्यक्रमस्य सफलं समापनम्*
अक्टोबरमासस्य २२-२३ दिनाङ्कयोः नलबारी-स्थिते कुमारभास्करवर्मसंस्कृत-पुरातनाध्ययनविश्वविद्यालये विश्वविद्यालयस्य एवं गौहाटी-विश्वविद्यालयस्य MMTTC इत्यस्य च सहयोगेन सम्पन्नं द्विदिवसीयं शिक्षक-प्रशिक्षण-कार्यक्रमम् । अस्य कार्यक्रमस्य विषयः आसीत् — “राष्ट्रीय-शिक्षा-नीतिः २०२० इत्यस्य आलोके अग्रगण्य-अनुसन्धानस्य मार्गदर्शनम्।”
२२ अक्टोबरदिने कार्यक्रमस्य शुभारम्भः कृष्णगुरु-आध्यात्मिक-विश्वविद्यालयस्य माननीय-उपकुलपतिः प्रोफेसर्-मोहनचन्द्र-कलिता-महोदयः कृतवान्। अस्मिन् अवसरे शताधिकाः शिक्षकाः, शिक्षिकाः, अनुसन्धाता-छात्राः च सहभागीभूताः। उद्घाटन-भाषणे प्रोफेसर-कलित-महोदयः अनुसन्धानस्य महत्त्वं तस्य च मौलिकतायाः पक्षे विशेषतया प्रकाशं कृतवान्।
अस्मिन् द्विदिवसीय-कार्यक्रमे असमराज्यस्य विविधानि उच्च-शिक्षा-संस्थानानि समाश्रित्य आगताः अष्ट-वक्तारः विविधेषु विषयेषु व्याख्यानानि दत्तवन्तः। ते सर्वे राष्ट्रिय-शिक्षा-नीत्या अनुसन्धानक्षेत्रे आगतानां नूतनानां सम्भावनानां दिशां च विषये विस्तरेण चिन्तनम् अकुर्वन्। अक्टोबरमासस्य २३ दिने सम्पन्ने समापन-समारोहे गौहाटी-विश्वविद्यालयस्य UGC–MMTTC इत्यस्य च समन्वयकः डॉ. हेमेन डेका तथा कुमारभास्करवर्मसंस्कृत-पुरातनाध्ययनविश्वविद्यालयस्य कुलसचिवः डॉ. विकास-भार्गव-शर्मा उपस्थितौ आस्ताम्।अन्ते प्रशिक्षण-कार्यक्रमस्य समन्वयकः तथा शैक्षणिककुलसचिवः प्रो. ज्योतिराज-पाठक-महोदयः सर्वेभ्यः प्रतिभागिभ्यः कृतज्ञतां प्रकट्य समारोहं समर्पितवान्।
