चित्रकूटधाम्नि रामघट्टस्थ रामायणकुटीरे सम्पन्नः कार्यकर्तृविकासवर्गस्य समारोपः

चित्रकूटधाम्नि रामघट्टस्थ रामायणकुटीरे सम्पन्नः कार्यकर्तृविकासवर्गस्य समारोपः।
हिमसंस्कृतवार्ता:- आचार्यदीनदयालशुक्ल:, चित्रकूटधाम।
संस्कृतभारतीपूर्वोत्तरक्षेत्रस्य आयोजित: कार्यकतृविकासवर्ग: चित्रकूटधाम्नि रामघट्टस्थ रामायणकुटीरे परिसम्पन्नोऽयं वर्ग: संस्कृतभारतीद्वारा समायोजित:। समारोपसमारम्भस्य अध्यक्षतां कुर्वन् अखिलभारतीय: सङ्घटनमन्त्री जयप्रकाशवर्याणां पाथेयं कार्यकतृभि: सम्प्राप्तम्। सोऽवदत् अवदत् यत् संस्कृतभारती संघटनस्यविकासाय सर्वत्र नानाविधप्रकल्पा: सक्रियतया प्रवर्तमानाः सन्ति। अथ च संस्कृत-विश्वविद्यालयश्च स्वस्वस्तरेण संस्कृतप्रचाराय तत्पराः सन्ति। अस्माकं मूलं संस्कृतस्य संघटनस्यविकास इति वर्तते। अस्माकं संस्कृतभाषा भारतीयसंस्कृतेः पोषिका या शास्त्रसम्पद् अस्ति, सा सर्वथा संस्कृतभाषायाः एव प्रसूतिः। अतः अस्माकं व्यवहारे संस्कृतभाषाया: समावेशः अनिवार्यः अस्ति। वयं कार्यकर्तार: भाषाबलेन बहु किमपि साधयितुं शक्नुम:। सम्भाषणशिविराणां संचालनं अस्माकं बलं वर्तते। अस्मिन् वर्गे संस्कृतभारत्या: अखिलभारतीयमहामन्त्री श्रीमान् सत्यनारायणभट्टवर्य: श्रीमान् जयप्रकाशवर्याणां सानिध्यं दिनत्रयं कार्यकर्तृभि: सम्प्राप्तम्। अस्मिन् वर्गे संस्कृतभारत्या: अखिलभारतीयशलाकापरीक्षा संयोजक: प्रो. शिवशंकरमिश्रवर्य:, काशी हिन्दूविश्वविद्यालयस्य आचार्या: प्रो. रामनारायणद्विवेदिवर्याणां प्रो. रामशलाही द्विवेदिभागानां च सानिध्यं सम्प्राप्तम्। रामायणकुटीरस्य स्वामी श्री रामहृदयदास: ‘जिज्ञासु’ सर्वेषामपि धन्यवादवचनेन आशीर्वादं प्रदत्वान्। कानपुर- गोरक्ष- अवध- काशी चतुर्णां प्रान्तानां ३२ कार्यकर्तार: प्रशिक्षणं प्राप्तवन्तः। समारम्भस्य आरम्भः वैदिक- मङ्गलाचरणेन जातः। संस्कृतभाषायां प्रेरकवक्तव्यैः सांस्कृतिकप्रस्तुतिभिश्च उपस्थितजनाः प्रेरिताः। अस्मिन्नेव अवसरे क्षेत्रसंघटनमन्त्री प्रमोदपण्डित:, वर्गसंयोजक: डॉ. रत्नेशत्रिवेदी, जोखनपाण्डेय:, नागेशदूबे, नागेशपाण्डेय:, सर्वेशकुमारशाण्डिल्य: आश्रमस्य अन्ये विद्वज्जनाः विभिन्नसामाजिका: समागताः कार्यकर्तार: समुपस्थिताः आसन्।