दिनद्वयव्यापिनी प्रान्तसमीक्षायोजनागोष्ठी सुसम्पन्ना
वार्ताहर: – जगदीश डाभी (सौराष्ट्रप्राप्त:)
संस्कृतभारती, सौराष्ट्रप्रान्तस्य प्रान्तसमीक्षायोजनागोष्ठी सम्पन्ना । गोष्ठीयं श्रीमती पी. एन. आर. शाह महिला-महाविद्यालये, पालिताणायाम् अभूत् । अवसरेऽस्मिन् अखिलभारतीयप्रचारप्रमुखः श्रीमान् सचिन कठालेवर्याः, सौराष्ट्रप्रान्तमन्त्री श्रीमान् डॉ. पङ्कज त्रिवेदी, श्रीमान् जितेंद्र ब्रह्मभट्ट:, श्री विठ्ठलमहोदय: श्रीप्रणव राज्यगुरु: राष्ट्रीयस्वयंसेवक संघतः प्रान्तसहकार्यवाह: श्री देवेन्द्रमहोदयाः इमे समागता:, अपि च विभिन्नाः दायित्ववन्तः 55 पञ्चाशत् कार्यकर्तारः भागम् गृहीतवन्तः।
गोष्ठ्यां विविधाः विषयाः चर्चिताः । आवर्षं जायमानानां कार्याणां समीक्षणं तथा च आगामिवर्षस्य योजना सुचर्चिता । गोष्ठी ३० मार्च दिनाङ्के आरभ्य ३१ मार्च दिनाङ्कपर्यन्तं प्राचलत् । दिनद्वयव्यापिनी गोष्ठीयम् अवर्तत । पञ्चसु सत्रेषु विभज्य विभिन्नेषु सत्रेषु गोष्ठ्याः विषयाः कार्यकर्तृणां समक्षं प्रास्तुवन् । अस्यां गोष्ठ्यां भावनगरविभागतः जूनागढतः, कच्छविभागतः, राजकोटविभागतः सुरेन्द्रनगरविभागतः कार्यकर्तारः समुपस्थिताः आसन् । एवम्प्रकारेण दिनद्वयव्यापिन्याः गोष्ठ्याः सम्पूर्तिः अभूत् ।
