President of India : पञ्चदिवसीय: प्रवासानन्तरं देहलीं प्रस्थिता राष्ट्रपतिः द्रौपदीमुर्मू
हिमसंस्कृतवार्ता- शिमला।
राष्ट्रपतिः द्रौपदीमुर्मू हिमाचलस्य पञ्चदिवसीययात्रायाः अनन्तरं बुधवासरे प्रातःकाले शिमलातः दिल्लीं प्रत्यागता। मुख्यमंत्री सुखविंदरसिंहसुक्खु: एवं मंत्री कर्नल: धनीरामशाण्डिल: राष्ट्रपतिमहोदयाया: अभिवादनं कृतवन्तौ। शिमलानगरे स्थित्वा राष्ट्रपति मुर्मूः शिमलानगरस्य तारादेवीमन्दिरं, मॉलरोड इत्यादीनि स्थानानि गतवती, तथैव शाहपुरे स्थितस्य केन्द्रीयविश्वविद्यालयस्य अपि भ्रमणं कृतवती। एतत् एव न, गेयेटी-नाट्यगृहे हिमाचलसंस्कृतेः अपि सा सम्मुखीभूता अभवत्। गेयटी नाट्यगृहे राष्ट्रपतिद्रौपदी मुर्मू इत्यस्य सम्मुखे भाषासंस्कृतिविभागेन विशेषं नृत्यनिर्देशनसांस्कृतिककार्यक्रमः निर्मितः। कार्यक्रमे राष्ट्रपतिमहोदयाया: अतिरिक्तं राज्यपाल: शिवप्रतापशुक्ल: एवं अतिविशिष्टा: जना: उपस्थिता: अभवन्। राज्यस्य प्रसिद्धेन नृत्यनिर्देशिकया पूनमशर्मा इत्यनया सज्जीकृते अस्मिन् कार्यक्रमे सिरमौरीनाट्यम् इत्यस्य अतिरिक्तं राजगढस्य पझौताक्षेत्रस्य आसरा सांस्कृतिकसमूहस्य कलाकारैः किन्नौरी, लाहुली, कुल्लूवी, चम्बयाली नाट्यानि, लुड्डी नृत्यस्य च समूहप्रस्तुतिः कृता। सांस्कृतिककार्यक्रमे आसरा-क्षेत्रस्य षोडश-कलाकाराः रिहाल्टीगी- मुञ्जरा- नृत्य- परात- नृत्य- रस- नृत्य- थोडा- नृत्य- आदि- नृत्यरूपाणां आकर्षकमोहकशैल्यां प्रदर्शितवन्त:।
