BJP Himachal: हिमाचले चत्वारि, देशे चतुर्शताधिकानि आसनानि लक्ष्यम्
हिमसंस्कृतवार्ता:- हमीरपुरम्।
केन्द्रीयसूचनाप्रसारणमन्त्री, युवाक्रीडामन्त्री च अनुरागसिंहठाकुरः हिमाचलवासस्य तृतीयदिने गुरुवासरे हमीरपुरस्य गान्धीचतुष्पथि जनसभां सम्बोधितवान्। सः अवदत् यत् लोकसभया सह भाजपा विधानसभा उपनिर्वाचनेषु सर्वाणि आसनानि महता अन्तरेण जेतुं गच्छति। अद्य मोदिन: नेतृत्वे हिमाचले चत्वारि, देशे च चतुर्शताधिकानि आसनानि जेतुं वायुः प्रवहति। अस्मिन् काले सः सर्वेभ्यः हिमाचलवासिभ्यः आगामिषु लोकसभानिर्वाचनेषु, विधानसभा उपनिर्वाचनेषु च एकीकृत्य भाजपायाः द्विगुणशक्तिसर्वकाराय मतदानं कर्तुं आह्वानं कृतवान्। अनुराग ठाकुरः अवदत् यत् अद्य सम्पूर्णः भारतदेश: लोकतन्त्रस्य महोत्सवं पूर्णतया उत्साहेन आचरति। यद्यपि देशे बहूनि राष्ट्रिय- अपघर्षणानि भविष्यन्ति, परन्तु राष्ट्रीय विश्वास: (नेशनल ट्रस्ट) केवलं मोदी इत्यस्य प्रतिज्ञा एव। मोदी न केवलं देशस्य अपितु विश्वस्य अपि सर्वाधिकं लोकप्रियः नेता अस्ति। अद्य हिमाचलसहिते सम्पूर्णे देशे काङ्ग्रेस-पक्षः तस्याः प्रतिज्ञा: च विफलाः अभवन्। राजस्थान- छत्तीसगढयोः पुनः काङ्ग्रेस-सर्वकारस्य निर्माणं न जातम् यतः ते तत्र एकामपि प्रतिज्ञां न पूरयितुम् शक्तवन्त:। तथैव हिमाचल-कर्नाटक-प्रदेशयोः काङ्ग्रेसपक्षः मिथ्या- प्रतिश्रुति-आधारेण सत्तां प्राप्तवान्, परन्तु अद्यत्वे स: एकमपि प्रतिज्ञां पूर्णं कर्तुं सर्वथा असफलः अभवत्।
इदानीं जनाः मनः कृतवन्तः यत् यदि ते सर्वकारं निर्मान्ति तर्हि केवलं मोदिन: एव भविष्यति। मोदिन: नेतृत्वे हिमाचले ४ मध्ये ४, देशे ४०० च वायुः प्रवहति, हिमाचलस्य सर्वाणि विधानसभा उपनिर्वाचनासनानि च भाजपा विशालान्तरेण जेतुम् गच्छति। अनुरागठाकुरः अवदत् यत् अद्य देशे एतादृशः सर्वकारः अस्ति, येन भारतं विगतदशवर्षेषु विश्वमञ्चे अग्रणीराष्ट्रं जातम्। अनुराग ठाकुरः अवदत् यत् हिमाचलप्रदेशे द्विगुणशक्तिसर्वकारः आसीत्, एकतः मोदी इत्यनेन मातृभगिनीभ्यः धूमात् स्वतन्त्रतां दातुं उज्ज्वला योजना चालिता, अपरतः जयराम ठाकुरः मुख्यामन्त्री गृहिणी योजनां चालितवान्। यदि प्रधानमन्त्री मोदी आयुष्मानभारतयोजनाम् आनयत् तर्हि जयराम ठाकुरः हिमकेयर योजनां प्रारब्धवान्। अनुराग ठाकुरः अवदत् यत् २०१४ तः २०२४ पर्यन्तं मोदी काङ्ग्रेसस्य ६० वर्षाणां अन्तरं पूरयित्वा देशं द्रुतगत्या विकासाय समर्थं कृतवान्। टी-२० इव मोदी जी आगामिषु पञ्चषु वर्षेषु विकासाय चतुःषट् च अंकं मारयितुं सज्जः अस्ति। अस्मिन्नवसरे भाजपादलस्य प्रदेशाध्यक्ष डॉ. राजीवबिंदल:, नेताप्रतिपक्ष: जयरामठाकुर:, भाजपा प्रत्याशी इन्द्रदत्त लखनपाल:, राजेन्द्र राणा, आशीष शर्मा आदयः गणमान्याश्च उपस्थिता: आसन्।
पूर्वमुख्यमंत्री धूमल: नागत:
हमीरपुरे आयोजितायां सभायां पूर्वमुख्यमंत्री प्रो. प्रेमकुमारधूमल: नागत:। यद्यपि तस्य न आगमनस्य कारणं कोऽपि न जानाति तथापि हमीरपुरनगरे तस्य सभायाः न आगमनस्य चर्चा आसीत्। वस्तुतः प्रो. धूमलः भाजपायाः बृहत् मुखम् अस्ति। विशेषतः यदा कदापि गान्धीचौके कोऽपि बृहत् कार्यक्रमः आयोजितः तदा पूर्वमुख्यमन्त्री तेषु सर्वदा उपस्थितः आसीत्।
