HP Politics : भगवान् राम: शीघ्रं कंगनायै प्रज्ञां दद्यात् – विक्रमादित्यसिंह:
हिमसंस्कृतवार्ता – कार्यालयीय: प्रतिनिधि:।
मण्डीसंसदीय निर्वाचनक्षेत्रात् काङ्ग्रेसपक्षस्य सम्भाव्यप्रत्याशी राज्यस्य लोकनिर्माणमन्त्री विक्रमादित्यसिंहः भाजपा प्रत्याशी कङ्गनारणौताया: उपरि प्रतिघातं कृत्वा अवदत् यत् भगवान् रामः शीघ्रमेव तस्यै प्रज्ञां दद्यात्। सा मुम्बईनगरे किं खादति पिबति च ? एतेन हिमाचलजनानाम् किमपि सम्बन्धः नास्ति । न च एते हिमाचलप्रसङ्गाः। खानपानस्य स्थाने कङ्गना विषयेषु कथयति चेत् श्रेयस्करम्।
विक्रमादित्यः कङ्गनायाः भाषाशैल्याः विषये उक्तवान्
मनल्यां जनसभायां कङ्गना इत्यनया प्रयुक्ता भाषाशैली हिमाचलस्य संस्कृतिः नास्ति । अद्यावधि देवभूमौ एतादृशी शब्दावली न प्रयुक्ता। अन्तर्जालमाध्यमेषु एकं चलचित्रं प्रदर्श्य विक्रमादित्यसिंहः अवदत् यत् राज्यस्य इतिहासे बृहत्तमा आपदा मनाल्यां आगता। स्वगृहं मनालीनगरे इति उक्तवती कङ्गना काङ्ग्रेसस्योपरि दोषारोपणं न कृत्वा तस्य विषये चर्चां करोति चेत् श्रेयस्करं स्यात्।
मनाल्यां जलप्रलयस्य उद्धारकार्यं केवलं सुक्खुसर्वकारः एव अकरोत्
राज्यसर्वकारेण ४८ घण्टाभ्यन्तरे अवरुद्धान् मार्गान् उद्घाट्य जनसामान्यं आश्रयं दातुं कार्यं कृतम् आसीत् । भूतलस्तरं गत्वा पतलीकुहलसेतुः वामतटं च पुनर्स्थापितम्। केन्द्रीयमार्गपरिवहनराजमार्गमन्त्री नितिनगडकरीं मनालीनगरं नीत्वा स्थितिविषये सूचना दत्ता। मुख्यमन्त्री सुखविन्दरसिंहसुक्खुः दिवारात्रौ कार्यम् अकरोत् ।
कङ्गना अस्माकं अग्रजा इव अस्ति: विक्रमादित्यसिंह:
मण्डीसंसदीय निर्वाचनक्षेत्रस्य कृते तस्य योगदानं किं दृष्टिः च अस्ति इति जनसामान्यं ज्ञापयितुं प्रयतध्वम्। कङ्गना अस्माकं अग्रजा इव अस्ति। एतादृशपदार्थानाम् कृते तस्यै नमस्कारः। बञ्जार:, सरकाघाटं, आनी, कुल्लू:, नाचनं, बल्ह इत्यत्र १० वर्षेभ्यः लम्बितसमस्यानां विषये सा चर्चां कुर्यात्। काङ्ग्रेसः अपि तान् उत्थापयित्वा समाधानं अन्वेष्टुं प्रयतते। व्यर्थविषयान् उत्थापयित्वा सार्वजनिकसमयं नष्टं न कुर्वन्तु।
