अनुरागठाकुरः – दौलतपुरचौक-रेलस्थानकाय मोदीसर्वकाराद् उपहारम्, ४३ कोटिरूप्यकैः भविष्यति कायाकल्पः
हिमसंस्कृतवार्ता-ऊना।
केन्द्रीयसूचनाप्रसारणं। एवं युवाक्रीड़ामन्त्री अनुरागसिंहठाकुर: असूचयत् यत् हिमाचलप्रदेशस्य दौलतपुरचौक-रेलस्थानकाय ४३ कोट्याधिकानां रुप्यकाणां (डीएलपीसी) विकासाय उन्नयनान चानुमोदनं प्राप्तम् अस्ति। ४३ कोटिरूप्यकाणि केन्द्रसर्वकाराद् अनुमोदनं प्राप्तम् अस्ति। एतेषु विकासेषु दौलतपुरचौकरेलस्थानके रोलिंगभण्डारस्य उत्तमरक्षणार्थं नूतनसङ्कुलस्य, नवीनस्य आच्छादितस्य वाशिंगलाइनस्य निर्माणं च अन्तर्भवति। केन्द्रीयमंत्री अनुरागठाकुरः एतदर्थं प्रधानमंत्रिण: नरेन्द्रमोदिन: एवं केन्द्रीयरेलमंत्रिण: अश्विनीवैष्णवस्य आभारं प्रकटितवान् ।
अनुरागठाकुरः अवदत्, “अहं हिमाचलप्रदेशे उत्तमसंपर्कसुविधाप्रदानाय सदैव प्रयतमानोऽस्मि। आदरणीयप्रधानमन्त्री नरेन्द्रमोदी हिमाचलप्रदेशे अपि उत्तमसंपर्कं सुनिश्चित्य कोऽपि शिलाखण्डं न त्यक्तवान्। मार्गः, रेलसेवा वा विमानसेवा वा, मोदीसर्वकारेण विगतदशवर्षेषु हिमाचलस्य कृते बहवः उपहाराः दत्ताः। अहं वदन् अतीव प्रसन्नः अनुभवामि यत् अद्य केन्द्रे मोदीसर्वकारेण दौलतपुरचौकरेलस्थानके ४३ कोटिरूप्यकाधिकव्ययस्य विकासकार्यस्य अनुमोदनं कृतम्। एतद् अनुमोदनं देवभूमिहिमाचलस्य कृते महत् उपहारम् अस्ति। तदर्थं आदरणीय प्रधानमन्त्रिण: नरेन्द्रमोदिन: रेलमन्त्रिण: अश्वनीवैष्णवस्य च आभारं प्रकटयामि।
अनुराग ठाकुरः अवदत् यत्, “एतेन् अनुमोदनेन अस्माकं दौलतपुरचौकरेलस्थानकस्य आधारभूतसंरचनासु उन्नयनं भविष्यति, भविष्ये हिमाचलं प्रति अधिकानि रेलयानानि प्रदातुं अपि साहाय्यं भविष्यति। प्रक्षालनार्थं अनुमोदिता नूतना आच्छादितप्रक्षालनरेखा परिसरे स्वच्छतां प्रवर्धयिष्यति, यात्रिकाणां कृते स्वच्छसुविधाः अपि प्रदास्यति। माननीय प्रधानमंत्री नरेन्द्रमोदी एवं केन्द्रीय रेलमंत्री अश्वनीवैष्णव: च हिमाचले रेल-आधारभूतसंरचनायान एवं संपर्कोन्नयने सदैव प्राथमिकतां यच्छत:। मया स्वयं रेलमन्त्रिणे अश्वनीवैष्णवाय दौलतपुरचौकस्य उन्नयनकार्यस्य अनुमोदनं कर्तुं अनुरोधः कृतः आसीत्, यस्मिन् विषये तेन तत्कालं अनुमोदनं अपि दत्तम्।
अग्रे वदन् श्री अनुराग ठाकुरः अवदत् यत्, “अधुना एव मम आग्रहेण रेलमन्त्री सप्ताहे द्विवारं प्रचलति स्म इन्दौर-चण्डीगढ एक्स्प्रेस् इत्यस्य ऊनापर्यन्तं विस्तारं स्वीकृतवान्। इदानीं ऊनातः इन्दौरपर्यन्तं एतद् रेलयानं प्रयागराजं गच्छतां यात्रिकाणां महत् परिवहनसुविधां प्रदास्यति। अपि च रेलमन्त्री ऊना हिमाचलतः सहारनपुरपर्यन्तं प्रचलति रेलयानं हरिद्वारपर्यन्तं विस्तारितवान् अस्ति। पूर्वं फेब्रुवरी-मासस्य १७ दिनाङ्के मया चक्की-नद्याः सेतुनिर्माणाय अनुमोदनं दत्तम् आसीत्, येन पठानकोट-जोगिन्दरनगरयोः मध्ये शीघ्रमेव रेलसेवा पुनः स्थापिता भविष्यति । तेन सह काङ्गड़ा-नूरपूरयोः मध्ये रेलमार्गस्य अपि शीघ्रमेव पुनर्स्थापनं भविष्यति । एतदर्थमपि मया माननीयरेलमन्त्रीं मिलित्वा अनुमोदनं प्राप्तम्।
