अनुरागठाकुरः – अधुना ऊनातः हरिद्वारपर्यन्तं प्रत्यक्षं रेलयानस्य सुविधा

अनुरागठाकुरः – अधुना ऊनातः हरिद्वारपर्यन्तं प्रत्यक्षं रेलयानस्य सुविधा
हिमसंस्कृतवार्ता- कार्यालयीय: प्रतिनिधि:।
केन्द्रीयसूचनाप्रसारणमन्त्री तथा युवाक्रीडामन्त्री अनुरागसिंहठाकुरः शुक्रवासरे उक्तवान् यत् ऊनाहिमाचलतः सहारनपुरपर्यन्तं रेलयानम् अधुना हरिद्वारपर्यन्तं गमिष्यति। अनुरागठाकुर: एतस्य निर्णयाय प्रधानमंत्रिण: नरेन्द्रमोदिन: तथा केन्द्रीयरेलमंत्रिण: अश्विनीवैष्णवस्य आभारं प्रकटितवान्। एतेन क्षेत्रस्य जनेभ्य: महान् लाभः भविष्यति, तीर्थयात्रायाः वृद्धिः भविष्यति इति सः अवदत्। अनुरागठाकुर: उक्तवान् यत् हरिद्वारम् प्रमुखं धार्मिकस्थलम् अस्ति, हिमाचलतः बहुसंख्याकाः जनाः तीर्थयात्रायै हरिद्वारं गच्छन्ति। रेलमन्त्री अश्वनीवैष्णवं स्वयमेव मिलित्वा एतां सुविधां आरभ्य अनुरोधं कृतवान् इति उक्तवान्। अधुना वयं प्रसन्नाः स्मः यत् रेलमन्त्री ऊना-हिमाचल-सहारनपुर- रेलयानस्य विस्तारस्य अनुमोदनं कृतवान्। इदानीं ऊनातः हरिद्वारपर्यन्तं एतद् रेलयानं प्रचलति। अनेन यात्रिकाणां कृते परिवहनसुविधाः भविष्यति । असौ उक्तवान् यत् प्रधानमंत्री देशस्य चतुर्थं वंदेभारतरेलयानं हिमाचलं प्रति उपहाररूपेण दत्तवान्। तस्य उद्घाटनार्थं मोदी स्वयं ऊनानगरम् आगतः। भारतस्य आधुनिकतमं रेलयानं अधुना हिमाचले केवलं भाजपा-कारणात् एव प्रचलति । हिमाचलप्रदेशे २०२३-२४ वित्तवर्षस्य कृते रेलमार्गविस्तारार्थं १८३८ कोटिरूप्यकाणां अनुमोदनं कृतम् अस्ति । रणनीतिकदृष्ट्या महत्त्वपूर्णायाः भानुपल्ली-बिलासपुर-बेरी-रेलमार्गस्य कृते १००० कोटिरूप्यकाणां, चण्डीगढ-बद्दी-रेलमार्गस्य कृते ४५० कोटिरूप्यकाणां, नङ्गल-तलवाड़ा-रेलमार्गस्य कृते ४५२ कोटिरूप्यकाणां च बजटे अनुमोदनं कृतम् अस्ति । रेलमार्गविस्तारार्थं १८३८ कोटिरूप्यकाणां एतद् अनुमोदनं यूपीए-शासनकाले २००९-२०१४ वर्षस्य अपेक्षया १७ गुणाधिकम् अस्ति । सम्प्रति राज्ये १९५५६ कोटिरूप्यकाणां २५८ कि.मी. चतुर्षु परियोजनासु कार्यं प्रचलति।