HP Cabinet Decision : हिमाचले मन्त्रिमण्डलस्य तिस्र: उपसमितयः निर्मिताः, अनेकानि पदानि पूरयितुम् अनुमोदनम्
हिमसंस्कृतवार्ता:- शिमला।
हिमाचलप्रदेशस्य मन्त्रिमण्डलस्य गोष्ठी शुक्रवासरे मुख्यमन्त्रिण: सुखविन्दरसिंहसुक्खो: अध्यक्षतायां सम्पन्ना। सभायां बहवः बृहत् निर्णयाः कृताः। सभायां विविधविषयेषु मन्त्रिमण्डलस्य तिस्र: उपसमितय: निर्मातुं निर्णयः कृतः । मन्त्रिमण्डलस्य सभायां हिमाचलप्रदेशस्य १४ तमाया: विधानसभायाः बजटसत्रे दातव्यं राज्यपालस्य सम्बोधनं अनुमोदितम्। हिमाचलप्रदेश- राज्यचयन- आयोगस्य सन्दर्भे प्रक्रियायाः व्यापारसञ्चालनस्य च नियमनिर्माणस्य अपि मन्त्रिमण्डलेन अनुमोदनं कृतम्। एतेन सह विघटितस्य हिमाचलप्रदेशस्य कर्मचारी-चयन-आयोगस्य हमीरपुरस्य अन्तर्गतं पुलिस-अनुसन्धानस्य कारणेन लंबितानां विविधपरीक्षापरिणामानां कानूनीपक्षस्य परीक्षणार्थं उपमुख्यमन्त्री मुकेश अग्निहोत्रिण: अध्यक्षतायां मन्त्रिमण्डल- उपसमित्याः सङ्घटनस्य अनुमोदनं दत्तम्। अस्या: उपसमित्याः उद्योगमन्त्री हर्षवर्धन चौहान:, राजस्वमन्त्री जगतसिंहनेगी, लोकनिर्माणमन्त्री विक्रमादित्यसिंहः आयुषमन्त्री यादविन्द्रगोमा च सदस्याः भविष्यन्ति।
विभिन्नविभागेभ्यः आवंटितानां अनुबन्धे दत्तानां वा दीर्घकालं यावत् अप्रयुक्तानां राजस्वभूमिनां समीक्षायै राजस्वमन्त्रिण: जगतसिंहनेगिन: अध्यक्षतायां मन्त्रिमण्डलस्य उपसमित्याः सङ्घटनस्य निर्णयः मन्त्रिमण्डलेन कृतः। अस्यां उपसमितौ ग्रामीणविकास एवं पंचायतीराजमंत्री अनिरुद्धसिंह:, लोकनिर्माणमंत्री विक्रमादित्यसिंह: एवं नगरनियोजनं योजनामंत्री राजेशधर्माणी सदस्या: भविष्यन्ति। एतेन सह विभिन्नविभागेषु अप्रयुक्तानां रिक्तभवनानां समीक्षायै ग्रामीणविकासस्य पंचायतीराजमन्त्रिण: अनिरुद्धसिंहस्य च अध्यक्षतायां मन्त्रिमण्डलस्य उपसमित्याः सङ्घटनस्य अपि निर्णयः कृतः अस्याः उपसमित्याः सदस्याः नगर- ग्रामनियोजनमन्त्री राजेशधर्माणी आयुषमन्त्री यादविन्द्र गोमा च भविष्यन्ति।
सोलनजनपदस्य बद्दी इत्यत्र उपमण्डलाधिकारी (सिविल) कार्यालयस्य उद्घाटनम् कर्तुमपि मन्त्रिमण्डलेन अनुमोदितम्। गोष्ठ्यां सोलनजनपदस्य पट्टायां तथा कांगड़ाजनपदस्य पालमपुरे खण्डविकासकार्यालययो: उद्घाटनाय अनुमोदनं कृतम्। मन्त्रिमण्डलेन हिमाचलप्रदेश- प्रशासनिकसेवानां अन्तर्गतं प्रत्यक्षनियुक्त्या पञ्च पदानि पूरयितुं निर्णयः कृतः। एतानि पदानि हिमाचलप्रदेशप्रशासनिक- सेवा-संयुक्त- प्रतियोगीपरीक्षाया: माध्यमेन पूरयिष्यन्ते। राजस्वविभागे तहसीलदारस्य नव पदानि नायब तहसीलदारस्य १९ पदानि च पूरयितुं मन्त्रिमण्डलेन निर्णयः कृतः।
सोलन मण्डलस्य बद्दी तहसीलस्य झाड़माजरीक्षेत्रे आवश्यकपदानां निर्माणेन सह नूतनं पटवारवृत्तस्य निर्माणमपि मन्त्रिमण्डलेन अनुमोदितम्। सभायां योजनाविभागे विभिन्नवर्गस्य सप्तपदानि प्रत्यक्षनियुक्त्या पूरयितुम् अपि अनुमोदनं दत्तम्। किन्नौर- लाहौल- स्पीति- जनपदयोः सहायकपर्यटनविकासपदाधिकारिणः कार्यालयानां सुचारुरूपेण कार्यानुष्ठानार्थं विभिन्नवर्गस्य षट् पदानाम् निर्माणं पूरणं च मन्त्रिमण्डलेन अनुमोदितम्। गोष्ठ्यां मिशन वात्सल्य-योजनाया: अन्तर्गतं जिला बालसंरक्षण-अधिकारिण: चत्वारि पदानि पूरयितुं अपि निर्णयः कृतः।
लोकसेवा- आयोगस्य माध्यमेन पुलिसारक्षकाणां नियुक्तिः भविष्यति
राज्यसर्वकारः लोकसेवा-आयोगस्य माध्यमेन १२४३ पुलिसारक्षकाणाम् नियुक्तिं करिष्यति। एषा सूचना राजस्वमन्त्री जगतसिंह नेगी इत्यनेन दत्ता। सः अवदत् यत् भौतिकसत्यापनं पुलिसविभागेन भविष्यति। अस्मिन् तस्य नियमाः पुलिस-मुख्यालयेन निर्मिताः सन्ति । एतद् शीघ्रमेव कार्यान्वितं भविष्यति। अस्यां नियुक्तौ महिलानां कृते ३० प्रतिशतं आरक्षणं भविष्यति।
अनुबन्ध-(पट्टा) नियमेषु संशोधनम्, अधुना प्रतिवर्गमीटर १ रुप्यकस्य स्थाने ५ रुप्यकाणि गृहीतानि भविष्यन्ति
मन्त्रिमण्डलस्य गोष्ठ्यां विमुखीकृतवनभूमिषु हिमाचलप्रदेशस्य अनुबन्ध (पट्टे) नियमे संशोधनार्थं अनुमोदनं दत्तं यत् प्रतिवर्गमीटर १ तः ५ रुप्यकाणि यावत् अनुमोदितम्। अधुना हिमाचले विपथितवनभूमिः यत्किमपि अनुबन्धे गृह्णीयात् तत् प्रतिवर्गमीटर् ५ रुप्यकाणि भविष्यति। विपथनस्य अनुमोदनं केन्द्रसर्वकारस्य केन्द्रीय- पर्यावरण- वन- जलवायु- परिवर्तनमन्त्रालयात् प्राप्यते। २०१३ तमे वर्षे वृत्तदरस्य १० प्रतिशतं शुल्कं गृहीतम्। २०१६ तमे वर्षे प्रतिवर्गमीटर् १ रुप्यकाणि यावत् वर्धिता। अधुना सर्वकारेण अनुबन्ध (पट्टा) नियमे संशोधनं कृत्वा प्रतिवर्गमीटर ५ रुप्यकाणि कृतम्। राजस्वमन्त्री जगतसिंहनेगी इत्यनेन उक्तं यत् पट्टे धनवृद्ध्या सर्वकारस्य राजस्वस्य वृद्धिः भविष्यति। गतवर्षे सर्वकारेण पट्टे अवधिः न्यूनीकर्तुं निर्णयः कृतः आसीत् । राज्यसर्वकारेण पट्टे भूमिग्रहणस्य अवधिः ९९ वर्षात् अधिकतमं ४० वर्षाणि यावत् न्यूनीकृता अस्ति।
जन्ममृत्युपञ्जीकरणाय दिसम्बरमासस्य प्रतीक्षां न भवति। राज्यस्य जनानां परिवारपञ्जिकायां जन्ममृत्युपञ्जीकरणार्थं दिसम्बरमासस्य प्रतीक्षां न कर्तव्या भविष्यति। अस्य विषये सर्वकारेण पञ्जायतराजनियमेषु परिवर्तनं कृतम् अस्ति। राजस्वमन्त्री जगतसिंह नेगी उक्तवान् यत् अधुना जनाः यदा इच्छन्ति तदा पंचायतपञ्जिकायां जन्ममृत्युपञ्जीकरणं कर्तुं शक्नुवन्ति, जन्ममृत्युप्रमाणपत्रं च प्राप्तुं शक्नुवन्ति।
बजटसत्रात् पूर्वं फरवरीमासे १३ दिनाङ्के सर्वेषां दलानां सभा भविष्यति
अपरपक्षे विधानसभायाः बजटसत्रस्य कृते फेब्रुवरी १३ दिनाङ्के सर्वपक्षीयसमागमः भविष्यति। हिमाचलप्रदेशस्य विधानसभा अध्यक्षः कुलदीपसिंह पठानिया १२ फरवरी दिनाङ्के अपराह्णे १२:१५ वादने प्रेस गैलरी समितिसभायाः अध्यक्षतां करिष्यति। अपराह्णे ३:०० वादने बजटसत्रं दृष्ट्वा सुरक्षाव्यवस्थासम्बद्धस्य सभायाः अध्यक्षतां करिष्यति। विधानसभा अध्यक्षः अवदत् यत् बजटसत्रे राज्यपालस्य सम्बोधनं, वित्तीयवर्षस्य २०२४-२५ तमस्य वर्षस्य बजटं च मुख्यमन्त्रिणा सदने प्रस्तुतं भविष्यति। १४ फरवरीतः बजटसत्रस्य आरम्भः भविष्यति। १३ फरवरी दिनाङ्के अपराह्णे १:०० वादने सर्वदलसमागमः भविष्यति।
