भारतीयज्ञानपरम्परायां संवादस्य भूमिका महत्त्वपूर्णा : विद्वज्जनानां मतम्
लखनऊ, २५ जुलै।
→अखिलभारतीयसंस्कृतपरिषदः, लखनऊ-नगरस्य अलीगञ्जस्थिते देववाणी-भवने “भारतीयज्ञानपरम्परायां शिक्षणपद्धतिः संवादश्च” इति विषये विशिष्टव्याख्यानं विद्वत्सङ्गोष्ठी च आयोजिता। अस्याः सङ्गोष्ठ्याः मुख्यातिथित्वं आर्यमहिला-पी.जी.-महाविद्यालयस्य शाहजहाँपुरस्थितस्य प्राचार्या प्रो० सुरचना त्रिवेदी महोदया अकरोत्। अध्यक्षतां परिषदः अध्यक्षः डॉ० चन्द्रभूषण त्रिपाठी महोदयः चकार। मुख्यवक्तारूपेण केन्द्रीयसंस्कृतविश्वविद्यालयस्य लखनऊपरिसरस्य शिक्षाविभागस्य वरिष्ठप्राध्यापकः डॉ० रुद्रनारायण नरसिंह मिश्रः तथा विशिष्टवक्त्रीरूपेण इलाहाबादविश्वविद्यालयस्य संस्कृतविभागस्य वरिष्ठप्राध्यापिका डॉ० रेनू कोछड़ शर्मा महोदया स्वविचारान् प्रस्तुतवत्यौ।
वक्तारः भारतीयज्ञानपरम्परायां संवादस्य, गुरु-शिष्यपरम्परायाः, शिक्षणपद्धतेः तथा मूल्यपरकशिक्षायाः महत्त्वं प्रतिपादयन्तः अकथयन् यत् भारतीयशिक्षाप्रणाल्याः उद्देश्यं केवलं ज्ञानार्जनं न, अपितु चरित्रनिर्माणं सर्वाङ्गीणविकासश्च अस्ति। मुख्यातिथिः प्रो० सुरचना त्रिवेदी महोदया राष्ट्रियशिक्षानीतेः–२०२० इत्यस्य सन्दर्भे भारतीयज्ञानपरम्परां आधुनिकशिक्षया सह सम्बद्धुं आवश्यकताम् अवोचत्।
कार्यक्रमस्य शुभारम्भः रञ्जना निखिल-महोदयया वैदिकमङ्गलाचरणेन तथा निशान्त शुक्ल-महोदयेन लौकिकमङ्गलाचरणेन अभवत्। स्वागतगीतं कीर्तिः, समरीता तथा प्रिया पाण्डेय प्रस्तुतवत्यः। कार्यक्रमस्य सञ्चालनं डॉ० सन्दीप कुमार महोदयः अकरोत् तथा संयोजिका डॉ० पत्रिका जैन महोदया धन्यवादज्ञापनम् अकरोत्। अस्मिन् विद्वत्सङ्गोष्ठ्याम् पञ्चाशताधिकाः विद्वांसः, शोधच्छात्राः विद्यार्थिनश्च उपस्थिताः आसन् ।
सत्येन्द्र
पाठकः
