मेसिना भङ्गितः रोनाल्डो-वर्येण स्थापितः कीर्तिमानः, पादकन्दुक-विश्वचषके सर्वाधिक-गोलकर्ता क्रीडकः

मेसिना भङ्गितः रोनाल्डो-वर्येण स्थापितः कीर्तिमानः, पादकन्दुक-विश्वचषके सर्वाधिक-गोलकर्ता क्रीडकः
अर्जेन्टीना देशस्य प्रसिद्धः पादकन्दुक-क्रीडकः लियोनेल मेसिः बुधवासरे पादकन्दुक-विश्वचषके पुर्तगाल देशस्य क्रिस्टियानो रोनाल्डो-वर्यस्य कीर्तिमानं (रिकॉर्ड) अभङ्क्षीत्। अल्जीरिया देशस्य विरुद्धं तेन त्रयः (३) गोलाः कृताः। अधुना सः पादकन्दुक-विश्वचषके हैट्रिक (त्रिवारं क्रमेण गोल) कर्ता वरिष्ठतमः (सर्वाधिक-आयुष्कः) क्रीडकः अभवत्। विश्वचषके मेसि-वर्यस्य एषा प्रथमा हैट्रिक-अपि अस्ति। रोनाल्डो-वर्येण २०१८ तमे वर्षे विश्वचषके ३३ वर्षायुषि रूस देशस्य विरुद्धं हैट्रिक-गोलाः कृताः आसन्। अधुना मेसिना ३८ वर्षायुषि एतादृशं कृत्वा रोनाल्डो-वर्यस्य कीर्तिमानः भङ्गितः। मेसि-वर्यस्य एषा हैट्रिक एकास्मिन् विशिष्टे अवसरे आगता। तेन २००६ तमे वर्षे जून-मासस्य १७ दिनाङ्के एव फीफा-विश्वचषके स्वस्य प्रथमः प्रितियोगिता-मैचः क्रीडितः आसीत्। ३८ वर्षीयः मेसिः अल्जीरिया देशस्य विरुद्धं १७ तमे, ६० तमे, ७६ तमे च निमेषे (मिनट) गोलं चकार। सः ७८ निमेषाणाम् अनन्तरं क्रीडाङ्गणाह् (मैदान) बहिः अगच्छत्। मेसि-वर्यस्य अनेन उत्कृष्ट-प्रदर्शनेन अर्जेन्टीना देशेन ‘ग्रुप-जे’ इत्यस्य प्रतिस्पर्धायां अल्जीरिया देशः ३-० इति अन्तरेण पराजितः। मेसिः अधुना यावत् ११ अन्तर्राष्ट्रिय-हैट्रिक कृतवान् अस्ति। एषा क्रीडा अमेरिका देशस्य कैनसस नगरस्य ‘एरोहेड’ क्रीडाङ्गणे (स्टेडियम) अभवत्।