नार्वे-देशेन प्रधानमन्त्री मोदिमहोदयाय सर्वोच्चः सम्मानः प्रदत्तः, अयं तस्य द्वात्रिंशत्तमः (32nd) अन्तर्राष्ट्रियः सम्मानः, मोदी अवदत्- यूरोपदेशः भारते शत-कोटि (100 बिलियन) डालरपरिमितं निवेशं करिष्यति।
नार्वे-देशस्य राजा हेराल्ड-पञ्चमः प्रधानमन्त्रिणं मोदिमहोदयं स्वकीय-सर्वोच्चसम्मानेन ‘ग्रैंड क्रॉस ऑफ द रॉयल नॉर्वेजियन ऑर्डर ऑफ मेरिट’ इत्यनेन अलङ्कृतवान्। अयम् नार्वे-देशस्य सर्वोच्चः सम्मानः मन्यते।
एतम् सम्मिश्र्य इदानीं यावत् प्रधानमन्त्रिणे मोदिमहोदयाय द्वात्रिंशत् (32) अन्तर्राष्ट्रिय-सम्मानाः प्राप्ताः सन्ति। इतः पूर्वं ह्यः स्वीडन-देशेनापि सः स्वकीय-सर्वोच्चसम्मानेन विभूषितः आसीत्।
प्रधानमन्त्री मोदी अद्य नार्वे-देशस्य राजधान्याम् ओस्लो-नगरे नार्वे-देशस्य प्रधानमन्त्रिणा योनास स्टोरे महोदयेन सह संयुक्तां पत्रकारगोष्ठीम् अकरोत्। अस्मिन् अवसरे सः अवदत् यत् गते वर्षे भारतस्य तथा यूरोपियन मुक्तव्यापारसङ्घस्य (EFTA) देशानां मध्ये ऐतिहासिकः व्यापारिक-आर्थिक-सहभागिता-सन्धिः प्रवृत्तः (लागू) अभवत्।
मोदिमहोदयस्य अनुसारम्, अयं सन्धिः भारत-नार्वेदेशयोः मध्ये साझा-विकासस्य समृद्धेः च सुदृढः आधारः भविष्यति। अस्य सन्धेः अन्तर्गतं आगामिषु पञ्चदशसु (15) वर्षेषु भारते शत-कोटि (100 बिलियन) डालरपरिमितस्य निवेशस्य तथा दशलक्ष (10 लक्ष) जीविकानां (रोजगार) सर्जनस्य लक्ष्यं निर्धारितम् अस्ति।
मई-मासस्य एकोनविंशतितमे (19th) दिनाङ्के ओस्लो-नगरे तृतीयं भारत-नॉर्डिक-शिखरसम्मेलनम् आयोजितं भविष्यति। मोदी अवदत् यत् इदं तस्य नॉर्डिक-समकक्षैः सह मेलनस्य सुवर्ण-अवसरः भविष्यति। अस्मिन् सम्मेलने नार्वे, स्वीडन, डेनमार्क, फिनलैंड तथा आइसलैंड देशानीं नेतारः सम्मिलिताः भविष्यन्ति।
इदं भारत-नॉर्डिक-शिखरसम्मेलनम् प्रथमतया २०१८ (2018) तमे वर्षे स्टॉकहोम-नगरे तथा द्वितीयतया २०२२ (2022) तमे वर्षे कोपेनहेगन-नगरे अभवत्। अस्मिन् वारे उपवेशने हरित-ऊर्जा (ग्रीन एनर्जी), अङ्कीकरणम् (डिजिटलाइजेशन), रक्षासहयोगः, जलवायुपरिवर्तनं तथा आर्कटिक-नीतिः सदृशेषु विषयेषु चर्चायाः सम्भावना अस्ति।
मोदिमहोदयस्य इयं यात्रा तस्य पञ्चदेशीय-भ्रमणस्य चतुर्थः चरणः अस्ति। इतः पूर्वं सः संयुक्तअरबअमीरात (UAE), नीदरलैंड तथा स्वीडन देशानां भ्रमणं कृतवान्। इतः परं सः इटली-देशं गमिष्यति।
