केन्द्रीयवस्त्रमन्त्री गिरिराजसिंहः- २०३१ पर्यन्तं १० अर्ब डॉलर परिमितं हस्तशिल्प-निर्यात-लक्ष्यम्

केन्द्रीयवस्त्रमन्त्री गिरिराजसिंहः- २०३१ पर्यन्तं १० अर्ब डॉलर परिमितं हस्तशिल्प-निर्यात-लक्ष्यम्
केन्द्रीयवस्त्रमन्त्री गिरिराजसिंहः उक्तवान् यत् सर्वकारेण २०३१ पर्यन्तं १० अर्ब डॉलर परिमितस्य हस्ततन्तु (Handloom) निर्यातस्य लक्ष्यं निर्धारितम् अस्ति। नवदिल्ल्यां राष्ट्रिय-हस्ततन्तु-विकास-निगमस्य (NHDC) ४३ तमे स्थापनादिवसे श्रीसिंहः आजीविकायाः संरक्षणे तथा स्वदेशी-उत्पादन-प्रणालीनां प्रवधने हस्ततन्तुक्षेत्रस्य महत्त्वपूर्णभूमिकायाः उल्लेखं कृतवान्। तेन उक्तं यत् प्रधानमन्त्रिणः नरेन्द्रमोदिनः नेतृत्वे देशस्य हस्ततन्तुक्षेत्रं ‘वैश्विक-आन्दोलने’ परिवर्तितं भवति। श्रीसिंहः राष्ट्रिय-निर्माणं सुदृढीकर्तुं तथा नागरिकान् स्वदेशी-वस्त्राणां समर्थनाय प्रोत्साहितुं सर्वकारस्य दृष्टिकोणं पुनः प्रतिपादितवान्। अस्मिन् अवसरे श्रीसिंहः एकस्याः विशेष-हस्ततन्तु-प्रदर्शिन्याः अपि उद्घाटनं कृतवान्, या आगामि-मासस्य २ दिनाङ्क पर्यन्तं चलिष्यति। सः NHDC संस्थायाः भाविनि-योजनानां रूपरेखां प्रस्तूय तन्तुवाय-समुदायस्य (बुनकर) सक्तीकरणे निगमस्य निरन्तर-प्रयासानां प्रशंसां कृतवान्।