वित्तमन्त्री निर्मला सीतारमण महोदया ‘परिसम्पत्ति-मुद्रीकरण-योजनायाः’ द्वितीयचरणस्य शुभारम्भं कृतवती

वित्तमन्त्री निर्मला सीतारमण महोदया ‘परिसम्पत्ति-मुद्रीकरण-योजनायाः’ द्वितीयचरणस्य शुभारम्भं कृतवती
वित्तमन्त्री निर्मला सीतारमण नवदिल्ल्यां केन्द्रीयमन्त्रालयानां सार्वजनिकक्षेत्रस्य संस्थानां च कृते ‘परिसम्पत्ति-मुद्रीकरण-योजनायाः’ (Asset Monetization Scheme) द्वितीयचरणस्य उद्घाटनं कृतवती। अस्याः योजनायाः द्वितीयः चरणः नीति-आयोगेन आधारभूत-संरचना-मन्त्रालयानां परामर्शेन सज्जीकृतः, यः केन्द्रीय-आयव्ययके (Budget) २०२५-२६ मध्ये घोषितस्य ‘परिसम्पत्ति-मुद्रीकरण-योजना २०२५-३०’ इति शासनादेशस्य आधारे अस्ति।
राष्ट्रिय-मुद्रीकरण-योजना २.० (NMP 2.0) अनुसारं, वित्तवर्षतः २०२५-२६ आरभ्य २०२९-३० पर्यन्तं पञ्चवर्षाणाम् अवधौ केन्द्रीयमन्त्रालयानां सार्वजनिकसंस्थानां च परिसम्पत्ति-मुद्रीकरण-योजनायाः अन्तर्गतं १६ लक्ष-७२ सहस्र-कोटि-रूप्यकाणां मुद्रीकरण-क्षमतायाः अनुमानं वर्तते। अस्मिन् निजीक्षेत्रस्य ५ लक्ष-८० सहस्र-कोटि-रूप्यकाणां निवेशः अपि सम्मिलितः अस्ति।
स्वस्य सम्बोधने सुश्री सीतारमण ‘राष्ट्रिय-मुद्रीकरण-पाइपलाइन १.०’ इत्यस्य क्रियान्वयने चतुर्वर्षाणां कृते निर्धारितस्य षड्-लक्ष-कोटि-रूप्यकाणां लक्ष्यस्य प्रायः ९० प्रतिशतं प्राप्त्यर्थं सर्वकारस्य सर्वान् मन्त्रालयान्, विभागान्, नीति-आयोगं च प्रशंसितवती।राष्ट्रिय-मुद्रीकरण-पाइपलाइन २.० नीति-आयोगस्य मुख्य-कार्यकारी-अधिकारिणः (CEO), आधारभूत-संरचना-मन्त्रालयानां सचिवानां, वित्तमन्त्रालयस्य, विधिमन्त्रालयस्य सचिवानां तथा च मुख्य-आर्थिक-परामर्शदातुः उपस्थितौ प्रसारिता।