भूतपूर्व-रेलमन्त्री, राज्यसभा-सांसदः च मुकुलरायः दिवङ्गतः; प्रधानमन्त्रिणा गृहमन्त्रिणा च शोकः प्रकटितः

भूतपूर्व-रेलमन्त्री, राज्यसभा-सांसदः च मुकुलरायः दिवङ्गतः; प्रधानमन्त्रिणा गृहमन्त्रिणा च शोकः प्रकटितः
प्रधानमन्त्री नरेन्द्र मोदी भूतपूर्व-रेलमन्त्रिणः मुकुलरायस्य निधने गभीरं दुःखं व्यक्तवान्। ‘सोशल मीडिया’ सन्देशे सः अवदत् यत् मुकुलरायः स्वस्य राजनैतिकानुभवाय समाजसेवा-प्रयासेभ्यः च सदैव स्मरिष्यते। गृहमन्त्री अमित शाहः अपि मुकुलरायस्य परिवारं प्रति स्वसंवेदनां प्रकटितवान्। मुख्यमन्त्री ममता बनर्जी एकस्मिन् सन्देशे उक्तवती यत् सः पश्चिमबङ्गालस्य राजनीति-क्षेत्रे स्वयोगदानाय ‘साङ्गठनिक-कौशलाय’ च स्मर्तव्यः भविष्यति।पश्चिमबङ्गालस्य विपक्षनेता शुभेन्दु अधिकारी, केन्द्रीयराज्यमन्त्री डॉ. सुकान्त मजुमदारः, काङ्ग्रेस-अध्यक्षः मल्लिकार्जुन खरगे च अपि मुकुलरायस्य निधने गभीरं शोकं प्रकटितवन्तः।दीर्घकालात् स्वास्थ्यसम्बन्धि-समस्याभिः युध्यमानः मुकुलरायः गतदिने प्रातःकाले कोलकातायाः एकस्मिन् निजी-चिकित्सालये अन्तिमं श्वासं गृहीतवान्। तस्य पार्थिवशरीरं विधानसभा-भवनं नीतम्।विधानसभा-अध्यक्षः बिमान बन्द्योपाध्यायः अन्ये विधायकाः च तस्मै श्रद्धाञ्जलिं समर्पितवन्तः। तदनन्तरं तस्य शरीरं ‘उत्तर २४ परगना’ जनपदे काँचरापाड़ा-स्थितं तस्य ‘घटक पुकुर’ आवासं प्रति नीतम्।