Cricket-आईसीसी पुरुष-टी20-विश्वचषक:-भारतेन नीदरलैण्ड्स-देशः पराजितः
आईसीसी पुरुष-टी20-विश्वचषके (T20 World Cup), वर्तमानविजेता भारतदेशः ह्यः अहमदाबादस्य ‘नरेन्द्र मोदी’ क्रीडाङ्गणे ‘ग्रुप-ए’ इत्यस्य अन्तिमे द्वन्द्वे नीदरलैण्ड्स-देशं १७ धावनाङ्कैः पराजितवान्।
प्रथमं बल्लेबाजीं कुर्वन् भारतदेशः निर्धारित-२० चक्रेषु १९३ धावनाङ्कान् अकरोत्। शिवम दुबे ३१ कन्दुकक्रीडासु सर्वाधिकं ६६ धावनाङ्कान् अर्जितवान्।
१९४ धावनाङ्कानां लक्ष्यस्य प्रत्युत्तरे, नीदरलैण्ड्स-दलम् २० चक्रेषु ७ स्तोभानां हान्या १७६ धावनाङ्कान् एव प्राप्तुम् अशक्नोत्। भारतस्य कृते वरुण चक्रवर्ती त्रीन् तथा शिवम दुबे द्वौ विकेटौ गृहीतवन्तौ। स्वकीयेन उत्कृष्टप्रदर्शनेन सर्वतोमुखक्रीडकः (All-rounder) शिवम दुबे ‘मेन ऑफ द मैच’ इति पुरस्काराय चितः।
भारतस्य आगामि-क्रीडा रविवासरे अहमदाबादे दक्षिण-आफ्रिका-देशेन सह भविष्यति। ‘सुपर-८’ चरणे भारतस्य एषा प्रथमा क्रीडा भविष्यति।
अन्येषां क्रीडाणां विवरणम्
पाकिस्तान-नामीबिया द्वन्द्वः कोलम्बो-नगरे पाकिस्तानदेशः नामीबिया-देशं १०२ धावनाङ्कैः पराजित्य ‘सुपर-८’ मध्ये अन्तिमं स्थानं प्राप्तवान्। पाकिस्तानेन १९९ धावनाङ्काः निर्मिताः, यस्य प्रत्युत्तरे नामीबिया-दलं केवलं ९७ धावनाङ्केषु एव सीमितम् अभवत्।
दक्षिण आफ्रिका-यूएई द्वन्द्वः– नवदेहली-नगरे दक्षिण-आफ्रिका-देशः संयुक्त-अरब-अमीरात-देशं (UAE) षड्-विकेटैः पराजित्य ‘सुपर-८’ मध्ये प्रवेशं लब्धवान्। दक्षिण-आफ्रिका-दलेन १२३ धावनाङ्कानां लक्ष्यं १३.२ ओवरेषु एव प्राप्तम्।
अद्यतनीया क्रीड़ा
प्रातः ११ वादने: वेस्ट-इण्डीज विरुद्धम् इटली (कोलकाता-नगरे)।
अपराह्णे ३ वादने: श्रीलङ्का विरुद्धम् जिम्बाब्वे (कोलम्बो-नगरे)।
सायं ७ वादने: अफगानिस्तान विरुद्धम् कनाडा (चेन्नै-नगरे)।
